玩完番黎.....攰到爆. 不過真係玩得好開心. 雖然過程中意見不合的情況都偶有出現, 亦有情況係我極度唔滿意自己的準備不足, 不過一家人好快就無事的了. 一連10多天的旅程亦總算順利完成! 今次之旅雖然出發前照舊由我編好左行程, 但正如在準備篇中所講, 一切都要配合埋當地天氣同埋開花情況再作最後決定. 正因為咁, 今次個行程10幾日裡面只係得幾日我會完全跟足自己個plan去行, 其餘時間都係見一日行一日, 今晚先諗第二日會去邊, 所以成個trip我覺得最stress o既應該係每晚臨訓前, 因為我成日都會怕自己安排得唔夠好!!!
以下就係經嚴重修改後的行程總覽了:
Day 1: 3月24日 (星期三) 新宿到着
Day 2: 3月25日 (星期四) 越谷Lake Town
Day 3: 3月26日 (星期五) 新宿 / 秋葉
Day 4: 3月27日 (星期六) 日暮里 + 上野恩賜公園 + 東京站 + 新宿 [上篇] / [下篇]
Day 5: 3月28日 (星期日) 淺草隅田公園 + 銀座 [上篇] / [下篇]
Day 6: 3月29日 (星期一) 吉祥寺井之頭公園 + 中野 [上篇] / [下篇]
Day 7: 3月30日 (星期二) 新宿御園 [上篇] / [中篇] / [下篇]
Day 8: 3月31日 (星期三) 千鳥ヶ淵 / 新宿 [上篇] / [下篇]
Day 9: 4月1日 (星期四) Disney Land + Ikspiari + 台場 [上篇] / [下篇]
Day 10: 4月2日 (星期五) 池袋 + 新宿
Day 11: 4月3日 (星期六) 涉谷 + 市原市
Day 12: 4月4日 (星期日) 六本木 + 新宿 [上篇] / [下篇]
Day 13: 4月5日 (星期一) 原宿 + 表參道 + 新宿
Day 14: 4月6日 (星期二) 中目黑 / 新宿
我地一家人每次出trip其實都係唔想趕, 要hea住行的, 今次已經比往日的行程來得豐富的了, 因為有時一日都行到兩個地方的. 另外今次為了賞櫻去左好多之前無去過o既地方, 好似吉祥寺, 上野, 日暮里等等都係今次先第一次行咋. 另外大家都睇到啦, 基本上我地所住o既新宿真係全部都用黎"攝"時間用的, 每當我諗唔到 / 無安排去邊o既時候, 新宿就係我地必然之選, 除左因為近酒店, 好多時仲可以行到攰番上房抖番陣再出動, 另一原因就係因為新宿有我地至愛o既Okadaya同埋新開位於高島屋11/F的Yuzawaya, 仲要加埋Tokyu Hands喎, 完全o岩晒喜歡手作o既發燒友, 今次我地真係喪行呢幾間舖, 消耗我地唔少彈藥 & 體力.
而值得高興之事當然就包括可以順利賞櫻啦, 因為出發前keep check 日本天氣 & 開花情報, 發覺天氣都幾凍仲有幾日原定花見o既日子會落雨, 天氣咁凍我開初都有d擔心去到會睇唔到盛開o既櫻花, 咁就令花見之旅打左折扣. 不過好彩我地今次個trip有成兩個星期, 我地可以自由調配到景點去配合番個花期 & 天氣, 所以最終都總算去到晒所有想去的賞櫻熱點, 雖然櫻花未致滿開, 但能夠近距離欣賞到咁靚o既櫻花都真係夠晒難忘咖喇.
不過其實每日無論我係去一個全新o既景點 or 去一d之前已經去過好多次o既地方, 我都會不期然咁想起爸爸. 新景點 --> 點解唔早d帶爸爸一齊黎呢? 舊景點 --> 上次同爸爸行呢度 / 去呢度食野時仲有講有笑的. 每次一諗起, 眼眶都會不期然的紅了, 我想如果沒人在旁, 眼淚早就流滿一臉的了. 每次都會努力去想 "好彩之前都有帶爸爸試過唔少好野, 去過唔少地方見識" , 只有咁樣諗先可以勉強令眼淚不致於奪眶而出. 我自問係一個極度眼淺的人, 每次諗起爸爸, 我都覺得好難控制到自己o既眼淚, even呢一刻寫緊 blog, 我都已經失控了. 但係我相信爸爸今次一定有跟著我們一起出發的!
相片實在映得太多.... 真係執都有排執, 所以大家比多少少時間我, 我會盡快寫番好晒個花見遊記的
2010年4月7日 星期三
2010年4月6日 星期二
2010.03 東京花見 (Day 14: 中目黑 / 新宿)
4月6日 (星期二) 中目黑 / 新宿 (重點: 臨別趁天氣好睇多幾眼櫻花)
黎到行程的最後一天了. 早上食完早餐番上房作最後checking後就拉著重重的行李去check out. 由於由酒店出發到羽田機場的Limousine班次實在疏得緊要, 若真的要坐Limousine我地就要早早2:00幾就要起程, 咁太唔化算了, 因為今晚我地搭乘的ANA航班起飛時間係2045, 咁早去機場做乜呢, 所以我地決定比多少少訂 van 仔直接出羽田仲好, 起碼時間可以由我地話事, 於是我地就book左5:00先走, 預埋少少塞車, 時間都應該頗鬆動的. 攪掂book車後我地又再四散了, 細妹跟媽媽先到生地館作最後沖刺. 而我跟老公就決定再到另一賞櫻地 -- 中目黑的目黑川. 搭JR好快就到了目的地, 沿路有指示好快就搵到目黑川了, 目黑呢個地方都比較閒, 無乜大型百貨店, 但就見到好多拉麵店呀, 下次可以黎試下的.
到左目黑川喇, 果然隔左咁多日後, 櫻花又再開得比之前其他地方所見的更燦爛了.
而且仲有唔少開始落花了, 有時大風一吹.... 好似落雪一樣咁靚呀..
一地的櫻花瓣, 將街道都染得一片淡粉紅, 好靚呀.
真係好唔捨得眼前o既美景, 唔知下次幾時有機會再幫櫻花映相呢?
兩公婆博命映, 映到夠果陣都已經差唔多12:30有多了, 又係時候番新宿搵食. 其實之前一晚都有上網search下無乜好食的, 不過實地考察後就覺得好似麻麻地, 於是臨時就改左去以下呢間『鍋 Zo』試下, 係我地至愛o既放題啊. 個樣有d似我地去越谷果晚食果間. 牛 & 豚 實在太好味了.
食埋呢個咁豐富的午餐後, 我地見仲有時間剩, 當然就係番酒店附近作最後沖刺啦. 再見了美麗的日本藍天白雲! 之後大家準時於16:45集合 get ready 就於17:00落到1/F 會合接載我地出羽田空港的Van仔.
由酒店的Lobby望出去見到新宿御園的櫻花還在盛開中!
估唔到今日唔太塞車, 去到空港都未夠18:00, 而ANA counter 就要1815先開始做check in, 所以我地就先去還 mobile 之後等...等...等... 終於可以check in了, 之後又忙於入閘. 其實應該先去T2行番轉先的, 因為T1實在太細了, 可以話係無野行的, 我都只係買左份三文治上機食. 不過見到佢話2010.10 羽田空港會擴大重開的. 唔知到時會唔會好少少呢?
飛機餐內惟一吸引到我的除了麵包外就係呢個看似唔的北海道布甸, 可惜係唔好味的!
在大堂等上機之時, 腦中不期然的不斷諗起12月時跟老爸最後一次在這空港的候機大堂等上機趕番香港, 果陣見到老爸的身體狀況真係一路路轉差, 心中最怕的就係佢要受苦一段時間先番到香港. 當然而家一切都成為過去了, 爸爸固然唔需要再受痛症的折騰, 理應我係為佢感到高興的, 但想念爸爸o既心就從來沒有退過! 在整個旅程中每每遇到開心滿足之事都會希望爸爸可以跟我地一齊 share!
而在爸爸的保祐下, 我地今次14天的東京花見之旅又完滿結束了. 下次會幾時再去玩呢? お楽しみに。
2010年4月5日 星期一
2010.03 東京花見 (Day 13: 原宿 + 表參道 + 新宿)
4月5日 (星期一) 原宿 + 表參道 + 新宿 (重點: 無意間的破財)
今日o係大家最後一個 full day, 雖然明天仍有大半日時間, 不過心情難免開始有點低落!!! 今早食完早餐後就出發去原宿一帶閒逛, 其實都無乜target的. 到步後首先到一到Kiddy Land, 真係幾多野睇的.
行完成幢Kiddy Land後就走左去Agnes b , 點知會破財. 事源o係度見到了水玉柄的袋啊. 諗左一陣都係買啦, 反正今次都係想買一個新袋的.
破財後走到對面街, 經過好多次的表參道ヒルズ, 次次都係過門不入, 今日順便入去行一陣, 估唔到o係度撞到自己以為自己好有魅力的蘇永康一行人! 行完ヒルズ出黎就諗住帶大家去下呢間店子朝下聖!
由於之前都入左唔少貨, 今次就純粹係到此一遊咁啦, 跟據手藝書所示附近應該還有一間手藝店的. 無錯就係呢間喇, 不過可惜撞正今日月曜日係定休啊.
依依不捨的離開後繼續向前行, 呢個時候o既雨勢就愈來愈大, 攪到大家都無乜心機了. 沿路番去搭車時經過次次同爸爸黎到都會食的一間Cafe "Peltier" , 反正早餐後都無食野, 不如食番個甜品先啦. 我依然係食番最鐘意的 Pancake set, 唔知點解今次好似無咁好味, 唔通係因為爸爸無一齊食?
食完後就跟大家一齊搭車番去新宿的, 反正新宿仲有好多野可以行, 今次仲o係新宿站內買番杯草莓汁嘆下先, 真係好好味. 不過細妹話高島屋 B1/F 果杯仲更加好飲.
另外我地決定左 晚餐時再集合一齊買野番酒店食. 因為今晚食完就要好好執行李準備明天check out了. 而在呢段自由時間, 我跟老公再次食一蘭拉麵醫肚, 無錯, 今次o既行程都食左幾次一蘭了, 真係好鐘意呀. 下次唔知幾時有機會再黎食了. 所以今次老公連碗湯都清晒 !!!! 第一次見到個碗底原來有字咖.
今晚臨走前媽咪當然繼續要嘆番杯酒啦, 順便食埋之前買的花生, 好香呀. 仲有就係今日行經新宿 JR 站內終於比我地搵到的越前海鮮煎餅了, 我地今次叫使魷魚餅, 下次想試埋炸蟹餅, 我估應該都好好味的.
今日的最後沖刺, 好開心買到兩隻 Made in Japan的公仔, 好可愛呀, 仲要平喎, 抵啦. 另外老公都無意中買到佢o既至愛, 恭喜晒!
2010年4月4日 星期日
2010.03 東京花見 (Day 12: 六本木 + 新宿) [下篇]
4月4日 (星期日) 六本木 + 新宿
(重點: 意外地欣賞到櫻花 & 布公仔展覽) [下篇]
不過首先我地要食個Lunch先. 上次跟爸爸黎果次就試過平田牧場的美味炸豬扒, 今次其實都想encore 的, 但又真係好想試下另一間有名的『雞三和』.
終於都係帶大家一齊試新野啦. 這間店子不大, 一眼望入去只係得最多10個位, 食客就會先在counter選擇好想食的丼, 跟住就排隊等候服務員安排座位. 我地除左order 了出名的親子丼外, 仲另外點了兩款炸雞.
食後感係 "正", 個親子丼真係好滑, 好香o既雞蛋味呀. 食飽飽後當然就要四處行下啦, 於是大家再解散, 諗住在Midtown多行一會先再番新宿逛逛吧. 很喜歡Midtown內的裝飾令人感覺好清新好有大自然feel, 都唔覺行緊商場!
結果在臨離開Midtown時, 媽媽跟細妹都唔執輸去左豆腐店食番個雪糕, 而媽咪仲要左一個豆腐甜品 Set 添. 杯Mango 豆乳好好味呀.
之後番到新宿, 我地就去左伊勢丹某層睇左一陣手藝材料, 不過無收獲, 因為個counter太細了, 之後大家轉戰唔同o既地方, 細妹去左紀伊國屋書店, 媽咪o係 Isetan 繼續行街. 由於今晚晚餐暫定想食燒肉, 所以我同老公就四處行下跟住我之前搵o既資料去實地考察一下晚餐o既餐廳位置. 最終我地決定了去一間專食黑毛和牛的燒肉店Black Hall試下, 其實在店外的menu都睇到價錢都幾貴仲要唔係我地想食o既放題, 不過諗住試下黑毛和牛, 加上細妹想食燒肉, 我都係等到今晚先帶到佢試, 所以就貴少少都無所謂啦, 反正食完呢餐仲有唔少甜品蛋糕等緊我地番酒店食.
我地其實都叫左唔少野食的, 不過每碟份量有限, 所以都係試下味咁咋. 大部份食材都好好味, 牛舌真係相當唔錯, 有驚喜的唔係黑毛和牛, 反而係最後order的雞肉, 真係好正.
呢個牛舌真係掂的, 好好味.
試菜完畢後又係時候行番酒店, 安頓好後又過去媽媽房食蛋糕了. 以下o既蛋糕全部都係今日於六本木 Tokyo Midtown買的, 就咁睇個賣相都滿分啦. 試食後唔單止個樣掂, 連味道都好正.
呢個好靚亦都好好味, 係估唔到咁好食的.
呢件面頭好鬆脆, 正!
呢件有rasberry的酸味, 又係出奇地好味.
反而呢件我覺得最普通.
呢個就係媽媽o係 Isetan 自己行街時的收獲!
眨下眼今次花見之旅都差唔多接近完結了, 明天最後一個Full day我無特別安排, 所以只係會同團友們去下原宿 / 表參道行下, 反正天氣報告都話明天天氣唔好, 多數都係落雨的了, 咁去原宿行一陣再買野食番酒店, 食飽就執行李相信都應該夠悠閒了吧!
訂閱：
文章 (Atom)