4月3日 (星期六) 涉谷 + 市原市
(重點: 丟低阿媽, 3條友搭2個幾鐘車去到買幾件 Tour Goods)
出站前見到月台呢個廣告, 拍低先!
跟手見到呢個都拍埋先!
其實去涉谷無乜特別野要睇的, 主要都係再去下大黑屋望下有無演唱會飛賣, 當然就係無啦. 之後我地行左一陣Tokyu Hands啦, HMV, o係HMV比我見到呢個, 唔使問啦 "舉機"吧.
之後call埋細妹集合先食番碗一蘭拉麵先出發.
行去搭車途中見到好靚o既Tulips!
我地大約1440左右就開始搭車的了, 車程都幾長咖, 梗係啦市原市o係千葉縣的, 真係搭車都用左唔少時間了. 中途轉到內房線搭到五井站後下車再要搭巴士先可以去到市原市市民會館的. 好彩我地到巴士站時剛好有一架專車中途不停站直到目的地, 不過就要等17:00先開車. 好快去到目的地喇. 落車後望過對面馬路就見到大大張banner.
不過我覺得呢個場唔夠氣勢囉. 好似o係代代木競技場果邊有 feel得多. 我地去到就開始o係會場外遊走一下, 不過唔見到有黃牛阿叔, 所以知道要買飛的機會都好渺茫了. 而我行左外圍一圈都唔見到賣Tour goods 的檔口, 心想不是嘛, 難道買Tour Goods都要有票先得, 咁我今日咪真係完全白行一趟囉. 好彩問一問工作人員, 佢地話要等持票人士全部進場後先會考慮開放比無票o既人入內買tour goods的. 就係咁我地o係場外等呀等, 期間都見到唔少無票o既人o係會場外, 之後到大約18:00即係演唱會開始o既時候喇, o係個Hall 的另一邊其實都隱約聽得到音樂聲的. 之後再要等到差唔多1830, 工作人員先放我地呢類無票人士進內, 仲要係分批入去咖!
我入到場當然就見o岩就買啦, 除左場刊係必買之外, 仲買左呢個好得意o既毛毛球掛頸電話繩, 買完出番黎先知原來呢條咁o既繩一d都唔平, 若果當時理智d諗清楚的話, 我係唔會買的!!! 之後仲買左條演唱會必備的長毛巾. 整體上覺得今次Tour Goods 好似唔係太吸引. 不過作為安室粉絲o既我, 睇唔到演唱會, 買下Tour goods都總係聊勝於無o既.
場館內的自動販賣機當然有安室啦.
買完心頭好後就拉隊離開了, 搭番車出到新宿搵番媽媽都已經係2045了, 今晚晚餐就係杯麵再加蛋糕, 好彩係一樣好味!
今日除左買到安室Tour goods外其實行涉谷時都有買到少少家居用品的, 仲有果對Golden Eggs協力所出的 Mickey & Minnie 電話繩, 睇見個衰樣真係忍唔住買左!
聽日行程預算係去一去六本木的Midtown, 因為上次跟爸爸黎果陣都只係夠時間食dinner, 都無乜機會行下, 所以今次補番, 而且六本木附近都仲有櫻花睇的, 雖然唔會好似御園或者千鳥ヶ淵咁多, 但睇下無妨嘛.
