Day 6: 3月29日 (星期一) 吉祥寺井之頭公園 + 中野 [上篇]
(重點: 興奮地坐鴨仔船近距離賞櫻)
今日賞櫻行程不變, 如常10:30出發往吉祥寺, 呢度又係一個唔係賞櫻我唔會黎的新景點. 井之頭公園都幾易搵, 好快就到左目的地了, 映入眼廉的美景真係睇到嘩嘩聲咖.
於是唔使多講, 大家分頭行事, 期間見到有鴨仔船, 約定晏少少一定要黎玩番轉. 今次o係井之頭見到o既櫻花跟之前兩個賞櫻地點所見的形態有點不同, 呢度o既生得好近水面, 有湖水的倒影之下櫻花就更加靚. 終於映到差唔多12:00幾就o係鴨仔船碼頭集合一齊上船再近距離映靚花. 呢度o既鴨仔船收費係700円 / 30分鐘. 一落船我地就狂踏啦, 務求要快d去到最近的櫻花群內映相. 不過由於唔係太識操作, 開初時好攪笑地每每都係略櫻而過, 後期老公掌握到後我就可以肆無忌憚的大映特映了, 坐住鴨仔船去映櫻花真係好正, 因為超近的, o係正自己面前任你映, 加埋湖水o既背景真係映得特別開心呀.
映映下仲見到咁靚o既鴛鴦經過添呀.
而我地一邊映一邊就發覺天色轉差, 後尾仲落起大雨黎, 好彩呢個時候我地4個都分別匿埋o係鴨仔船之內, 完全唔受天雨影響之下都可以狂拍櫻花. 到差唔多夠鐘上船時就剛巧雨過天清了. 真係good timing呀. 大家避完場過雲雨後就再各自o係井之頭公園附近逛逛映下相.
其實井之頭公園都真係幾好行的, 好舒服呀. 下一part再講lunch去左邊度食啦!
沒有留言:
張貼留言