3月27日 (星期六) 日暮里 + 上野恩賜公園 + 東京站 + 新宿
(重點: 失望過後有補償)
(重點: 失望過後有補償)
今日原訂的行程都幾簡單, 諗住輕輕鬆鬆的行下日暮里後再去舍人公園睇下櫻花順便join埋個花火大會! 出發前先食一個美味早餐, 唔少得就係食番夠本的イチゴ.
照舊10:30就由酒店出發, 去日暮里都好簡單, 只係搭JR 山手線就直達的了. 到站後離遠見到車站附近有棵櫻花樹, 大鄉里出城的我們立即走左去映相. 好似驚死之後再睇唔到櫻花咁, 雖然只得一兩株但都圍住猛映, 而家諗番都覺得好好笑.
映夠喇就開始行去搵日暮里最出名的纖維街了.
沿途見到店子外好靚的花卉, 唔使講啦, 一班花痴又狂映.
連渠蓋上的櫻花都唔好放過, 照映!
而一邊行去纖維街時發現原來日暮里呢邊都有唔少櫻花樹的, 唔使問當然係映, 映, 映啦. 終於都到左纖維街的入口了. 首要任務係行下呢間好多分店買唔到種類的手藝店Tomato.
估唔到呢度都有唔少貼有安室肖像的自動販賣機!
但除左見到呢間稍有規模的Tomato外, 一眼望埋去的纖維街好似.....有點荒蕪得過份.... 個心都開始驚緊呢個地方邊可以行到大半日咖....結果一如所料, 我地行到12:00幾已經覺得無野可行, 而我同WT o係附近又試過搵野食, 但都無間吸引亦唔係太多店開門. 最終在幾經掙扎後決定連晚上的花火都放棄轉投今次花見之旅的第一個花見熱點 -- 上野恩賜公園! 其實我將花見押後左先開始係怕d花開得唔夠多唔夠密. 但同時又唔想等到4月頭香港 easter holidays 一大堆人過埋黎一齊迫住咁睇, 在取捨下就惟有早少少開始花見吧.
上野呢個地方我之前去日本咁多次都無行過, 因為我唔係太鐘意o係呢度買手信的, 動物園我亦都無乜興趣行, 所以今次完全係因為賞櫻先會去. 一出站就見到....好多人呀同埋好多街邊檔呀. 由於早餐過後都未有野落肚, 一於就食番個章魚小丸子醫下肚先.
日本呢邊o既真係好味好多呀.
食完後就開始跟住人潮前進順利到達賞櫻之旅第一景點o既恩賜公園喇. 嘩....一眼望入去....好多櫻花樹呀, 仲要開左好多花添喇.
不過正式入公園前見到有檔賣花的檔口都有唔少靚花喇. 一於映夠先正式入園賞櫻.
近睇咁多開得咁靚o既櫻花真係好壯觀. 大家亦都好各自各的地不停舉機狂映. 除左櫻花樹夠晒壯觀之外, 黎花見的遊人都好厲害的, 好多"團體"已紛紛用藍色的墊子霸佔了有利位置方便一邊賞櫻一邊野餐, 真係好識嘆啊. 不過呢度遊人實在太多, 可以選擇的話, 我會揀去新宿御園才來一次花見野餐 (這可會是我們下次的目標?) 大家走散了不久又在人海中重遇, 於是就走去呢度買杯pop-corn, 好味呀.
跟住順道一起再出發, 途經了很多櫻花祭期間才開檔的小食攤檔, 大家都目不暇給的被各類的小食檔吸引著.
最後試左呢款超美味的鹽燒魚, 燒牛舌 + 燒牛肉.
細妹試埋燒団子, 不過佢話應該無下次, 因為麻麻地好食的.
之後又再繼續前進, 實在不得不讚日本人的守秩序精神, 雖然遊人多, 路又窄仲有不少攤檔前有人龍排隊買野食, 但真係一路上都好有秩序的, 相信有行過香港年宵市場的大家都會知道o係香港行花市係真係好亂的. 這也是我們一家喜歡日本的原因之一吧. 就在大家向前行了不久, 又被另一些新的食店傳來的香氣吸引了, 原來有燒魷魚, 同埋有老公最喜愛的おでん出現啊.
唔使講當然又要坐低食番夠本啦. 又食飽之後就開始再向前進發, 沿途真係櫻花不絕, 大家都映到忘形了. 而家就唔阻大家慢慢欣賞上野恩賜公園內的櫻花!
除左櫻花外仲再呢種好可愛o既小花!
由於所映的櫻花實在太多 ... 留番一d 下一 Part 再繼續!
沒有留言:
張貼留言