Day 6: 3月29日 (星期一) 吉祥寺井之頭公園 + 中野 [下篇]
(重點: 興奮地坐鴨仔船近距離賞櫻)
再集合時就係time for lunch喇. 今次我地選擇左o係公園附近的『鳥良』食lunch. 之前都一直想帶團友們去試的了, 但可惜唔係就唔o岩時間就係唔o岩地點, 結果要到今時今日先有機會.
鳥良最出名的當然就係佢o既招牌雞翼啦, 我地分別叫左甘口同埋小辛兩款, 真係相當好味呀.
另外仲有必食的豆腐, 細妹好欣賞呀.
跟住仲試左親子丼, 雞炒飯, 含雞軟骨的雞肉串燒同埋好好味o既燒雞串.
食飽飽後又差唔多時間再次出動了. 不過出動去行街前先要番一番公園食番個櫻花味的軟雪糕先. 櫻花味無乜特別的, 開初食仲有點怪, 不過食落又覺得幾清新喎.
沿路行番出車站附近時見到呢株好得意的植物, 好有Xmas feel 喎.
食埋軟糕後就再開始行下吉祥寺呢個地方喇, 其實呢度都有唔少商店的, 原先仲有ユザワヤ 咖, 可惜最近搬遷中去唔到喇. 於是我地只係行左一陣無印, 之後都有去搵出晒名的牛肉球, 但真係太飽無可能食得落的了, 所以最終都係跟牛肉球無緣, 惟有留番下一次先食啦. 跟住我地就決定搭車去下一個景點 --- 中野. 去呢度當然就比較o岩我跟老公行, 不過都總算有間超市比媽咪佢地行番陣, 正因如此, 我地今晚o既晚餐就決定會買外賣番酒店嘆喇. 真係麻煩晒媽媽 & 細妹又要幫我張羅晚餐o既材料了. 不過今次行中野我同老公都無乜收獲, 唔知係d野唔吸引定係真係買到夠晒皮呢?
o係中野一間Game shop見到可憐的佢, 比人綁住不停打圈咁行! 點知番到新宿都有佢o既出現, 同樣都係比人綁住左!
是晚晚餐都相當豐富咖. 過黎日本真係一定要將魚生食番夠本的！
以下就係今日行程中的收獲, 雖然唔係多, 但係搵到一直想搵o既無印信封Template! 所以都相當滿足呀!
食完野又係時候睇睇花見予報 & 天氣了. 聽日我係打算帶各位團友去今次花見之旅的重點賞櫻熱點 --- 新宿御園!! 如果天氣唔好的話就會比較浪費咖喇. 好彩check完天氣後都叫安心點! 咁明天就落實去新宿御園賞櫻吧.
