Day 1: 3月24日 (星期三) 新宿到着 (重點: 終於一嚐新宿蟹道樂)

Day 1:  3月24日 (星期三) 新宿到着 (重點: 終於一嚐新宿蟹道樂)

今次2010年3月份東京賞櫻之旅正式由呢日開始. 今次我地o係JAL無機位的情況下只有選擇乘坐ANA出發. 幾鐘意 ANA 呢包 snacks, 好食過 JAL果包. 個飛機餐都係咁上下啦, 算唔錯的了, 我就當然無食主菜的, 不過前菜的 Salad + Smoked Salmon我就食清了. 好彩上機前買左個Burger King的 Burger頂一頂肚!

 

大約1415就東京到着了. 可惜過關實在需時太耐, 唔知係咪唔同Terminal的關係, 我覺得T2果邊好似好好多. 終於1515先出到關, 即刻就走去ANA counter 接走租用o既mobile先. 好彩總算趕到搭1620的Limousine出新宿, 錯過左呢班就要等到1735先有車咖喇. 今日唔算太塞車, 約於1815已經番到酒店check in 了. 大家稍事休息後就約好於1945再度出發前往今晚於東京的第一餐dinner @ 新宿蟹道樂. 出發前已予約好要了個室. 當晚落住雨, 雨勢都幾大添, 好彩去到蟹道樂時仲比原定時間早左20分鐘, 我地由服務員帶領下去到7/F的個室, 期間屋企人都已經好興奮咁不停讚蟹道樂的店內裝修很別緻.

終於o係一輪狂映之後我地settled down好仲點好了每人的用餐. 開頭我都有點擔心揀呢間餐廳的, 因為我知細妹唔係太好食蟹的, 但呢度就全部清一色每道菜都係用蟹做的. 予約前問過細妹知道佢都有興趣試試就一於book位啦, 事後證明蟹道樂真係名不虛傳, 成個蟹餐都真係好正呀.

首先由頭盆睇起, 真係單睇賣相都滿分啦! 食落口果種鮮味真係非筆墨所能形容的. 每道菜色雖然都係用蟹去造, 但由於烹調方式唔同, 所以食落o既感覺 & 味道都完全不同. 個人黎講就覺得第一道的蟹腳刺身真係無得頂的.

而熟食的蟹腳配埋蟹醋亦係無得頂! (飯後我地都買左枝蟹醋呀 ~)

細妹果個餐o既刺身仲會用冰鎮o既方式上菜, 真係就照睇都夠晒吸引啦.

再黎就要推鮮甜到無人有的蟹膏, 係痴線的咁好味.

以下呢個係細妹個餐先有o既蟹肉玉子豆腐, 好好味咖.

跟住服務員就拎左個炭爐入黎比我地, 原來跟住道菜係炭火燒蟹腳, 正呀.

炭火燒完後就輪到Shabu出場, shabu完後的蟹肉依然鮮甜無比.

呢個天婦羅又係細妹個餐先有o既一品.

食到接近尾聲時就有一位服務員幫我地用之前Shabu完有晒蟹肉精華的湯底去處理呢個咁美味o既泡飯喇.

而細妹order的set跟我們有點不同, 佢o既お食事就選擇左要蟹肉飯焦, 真係好香咖!

而我就趁服務員邊替我地弄泡飯時邊問問日本的櫻花情況, 一如所料佢都係首推新宿御園. 不過佢都話由於最近天氣轉冷, 花期真係有點難預測了. 花見一事就等命運安排吧. 個蟹餐仲包埋甜品, 我地各自揀左自己o既favorite.

全部都好得呀. 終於今次呢餐蟹宴食到2330先叫完滿結束, 大家都帶住大滿足o既心情離開. 不過困左o係餐廳咁耐都唔記得左出面風大雨大, 今晚真係好凍呀.

番到酒店後上網check到完定想去睇花見o既schedule係一定要改的了, 否則帶住大家一齊去睇得唔夠精彩就浪費左一日啦. 所以最後決定明日行程改為遠征越谷Lake Town, 一個大家都未去過o既新景點. 不過車程都幾耐咖, 希望去到唔會失望啦.