Day 5: 3月28日 (星期日) 淺草隅田公園 + 銀座 [下篇]
(重點: 試到了言問団子)
上一篇講到大伙兒吃過団子後大滿足的離開, 並開始向隅田川的另一邊進發! 感覺上好似呢邊o既櫻花開得密d靚d. 沿路行都見到唔少櫻花, 各人還是忍不住一邊行一邊拍照.
終於完成淺草隅田公園的行程後, 我地就搭車去銀座了. 一到步就先搵食, 去o既係上次帶爸爸一齊黎試的星級鰻魚飯. 老實講日本美食真係多蘿蘿, 每次黎到搵食都係一件令人頭痕o既事, 因為美食太多, 時間太少, 試得呢樣又食唔到第二樣, 有時又想試下新搵到的店子, 但對於之前食過o既美食又想番尋味. 而我自己o既習慣就係每個景點都會mark低一d新o既餐廳但同時亦都會將一d好味的舊店子納入考慮範圍的. 到時再問問團友的意見再作決定. 今次黎到銀座都一樣, 結果我地就揀左食過番尋味的竹葉亭再嚐一試難忘的鰻魚飯. 今次我地4個人有3個叫左招牌鰻魚飯.
細妹叫左一份白燒鰻魚:
另外再加多一客鰻魚玉子燒. 超好味呀. 尤其係鰻魚玉子燒真係值得推薦!
估唔到我地去到竹葉亭時都已經差唔多成3:00都仲有唔少食客到訪!
大滿足地離開竹葉亭後就直往銀座新開的另一景點めざましビル出發
呢幢新景點其實只係號稱每層各有全日本唔同地方的特產販賣, 例如一層專賣北海道名物, 另一層就專賣沖繩名物等等, 貪得意的話可以一行, 否則可以唔使浪費時間, 不過我地都有少少收獲的, 媽媽買到千葉盛產的落花生, 除細妹外我地3個仲試左雪糕
我覺得鹽味呢個好正呀. 食完又再繼續行, 結果行到去北海道果層就同細妹一人買左一樽非常懷念的札幌布甸, 今晚番酒店可以慢慢嘆了.
就係咁行完呢個新景點後就再向前走去左銀座 Hands!! 開頭以為都係同其他Tokyu Hands咁上下的, 點知又唔係喎都幾多野行的. 仲有唔少收獲添!
最正就係買到Melody筆同埋自配筆芯的水玉柄筆! 可惜呢間店只係得番粉藍色筆身.
行完都差唔多8:00喇, 又係時間番新宿搵食, 原本今晚諗住去築地玉食放題的, 可惜太夜了, 放題已經受付終了, 於是我地就轉左去名代食炸豬扒, 不過一樣要等一輪位先有得食. 好耐無食過咁正o既豬扒喇. 真係好好味.
食飽飽後又夠鐘番酒店休息了. 番到酒店見到變成紫色的Tokyo Tower, 都幾靚咖我覺得, 不過當然傳統o既橙色 / 白色都唔差.
明日o既行程如無意外應該會跟schedule去吉祥寺井之頭公園賞櫻的. 希望天色好d啦.
沒有留言:
張貼留言