4月1日 (星期四) Disney Land + Ikspiari + 台場
(重點: 非常應棍的愚人節) [下篇]
上回講到大家興致勃勃的坐定定等1630的Easter Parade, 等到大約16:15左右就有廣播話比大家知仲有15分鐘就會有巡遊喇, 同時亦都會講定巡遊可能會因天氣問題而 cancel 的, 當時我地一直都諗點會呀, 今日咁好天, 只係風勢比較大, 最多咪夜晚唔放花火囉. 反正我地無諗住一定要睇, 無花火都okay的了. 如是者再等下啦, 到巡遊前5分鐘左右啦, 我就見到有工作人員走向每一堆坐定定等睇parade的人群講野, 我開初仲以為次次parade前工作人員都會走近觀眾攪下氣氛的, 點知望望下有d唔對路, 仲要隱約聽到最後果句係 「・・・・・もし訳ございません。」跟住仲要鞠晒躬咁喎... 當下個心涼左一截.... 轉頭我就跟團友講 "好似取消左個parade呀 ...." 我見到各團友的反應都好一致的 O 晒咀了, 之後就係 "唔係下化, 講笑咋掛....." 無幾耐, 真係開始parade前幾分鐘, 終於我都聽到呢個不幸的廣播了 "由於強風關係, Disneyland決定取消今日呢場parade了" 我諗大家都估到我地個反應啦 .... 真係唔爆粗都唔得了, 我地專登o係外面 Ikspiari 行到夠鐘再賣飛, 一有飛賣就即刻趕入場, 之後連商店都唔行住即刻就霸個靚位坐定定等睇巡遊....點知佢竟然到開始前幾分鐘先話取消, 當時個心真係十萬個嬲呀, 仲不停話 "點樣大風法呀? 我地咁大風都坐o係度等啦, 點會大風就唔parade咖? 又唔係行雷閃電, 大風都唔parade, 有無攪錯呀!!" (不過事後睇番當晚新聞報導時知原來真係好強的風, 有暴風的程度, 到左第二日都仲係咁勁, 什至知道有JR / 航班班次受影響要取消 or Delay!）相信當時心有不甘的一定唔止我地, 至少我一邊行一邊都聽到好多日本人都異口同聲的說 "あり得ないよ。”
無得睇巡遊可以點呢? 咪就係周圍行映下相囉, 都聊勝於無o既, 反正Disney入面都有咁多Easter eggs, Flowers 一於就映番夠本啦.
另一個目標就係要搵得意的爆谷桶, 亦都係媽媽每次去Disney的必做活動之一. 結果我地今次搵到Winnie the Pooh的 Popcorn, 估唔到呢個Honey 味又唔錯喎.
搵完popcorn後就出番Main street行下, 點知真係太多人了, 本來都想買番點手信的, 但諗起買完仲要排超長的隊比$$時, 真係乜mood都無晒, 所以見到有得意野都係映低佢算了!!
又有諗過去壓番個金幣紀念下啦, 點知條人龍排到出晒店外.... 總的來說今日呢個Disney 之旅真係.....把鬼了. 夜晚的Disney其實都幾吸引o既!
見到呢間酒店 ... 不期然想起上次book好諗住帶爸爸黎住番兩晚的.. 可惜最終未能如願, 家陣睇到佢都有點感慨!
由於晚上的夜間巡遊我地之前已經睇過所以就再call番其他團友決定離開樂園轉去台場了. 反正由新木場過台場都算近, 去到台場就可以睇埋期間限定的水幕表演了. 台場o既夜景依舊吸引!
點知我地搵左一輪都發現唔到有乜指示講個水幕表演o係邊度進行, 開頭仲驚 "唔係掛....唔通連呢個表演都無埋? 咁今日就真係超黑仔了." 好彩問完information counter後, 我地就搵到表演地方, 原來o係要去到海濱公園的海邊先睇到的. 個show大約20分鐘, 都算okay的, 不過無expected的咁精彩囉, 可能大風o既關係啦, 有d圖樣其實唔太清楚的. 睇完個水幕show後就決定去 KUA AINA 食番個burger dinner先. 好懷念佢o既牛油果burger, 不過真係好大份量, 我無法子自己finish個set, 食左大半就要老公幫手清埋, 另外仲試左呢個炸雞柳, 唔錯咖, 配埋他他醬, 好味!
結果我地一家食到間餐廳差唔多打烊就走喇, 去搭車前映左呢張相, 因為見佢靚靚地有少少教堂feel 咖, 但係實在太大風, 映完張相就即刻番入室內了.
由Aqua City 行番去車站時經過一間店子, 竟然o係呢度搵到震震鬆弛熊同埋之前一直都想買的 Fumo x 傻豹, 唔使講梗係要即刻入手啦.
跟住大伙兒就行去搭臨海線, 可以直接番到新宿唔使轉車真係超方便的.
沒有留言:
張貼留言