Tuttimelon新口味 - 綠茶 & 黑芝麻

自從成家 (老公除外) Froyo 上癮後, 去完尖咀食飯後的指定動作就係去 The One 的 Tuttimelon 食 Froyo 喇.  咁o岩上次去到有新味試呀! 仲要係媽咪最愛的綠茶 & 黑芝麻味添!

呢杯係我跟老公的, 都有試新味咖, 不過比大大堆的益力多味遮晒囉!  

媽咪兩樣都有試仲要加埋 Monster size 的 Blueberries!

細妹一樣兩款試晒 ~

總結係: 綠茶味唔夠濃, 好似奶味重左少少.  黑芝麻就真係好正呀.  想試就快喇, 因為新口味唔知幾時完咖嘛.

Ruby Tuesday @ TST 新港中心

一直以來同屋企人要食美式西餐的話都會去 Ruby Tuesday 因為一來佢o既食物水準算唔錯, 二來由於有 member card的關係, 半價優惠亦好吸引.   自從佢位於尖咀海港城的分店closed左後, 我地就轉戰去左佢o既德福分店.  最近得知佢o係尖咀的 Silvercord 新開了, 於是特別於開幕後的第二晚就立即去幫襯下.

新店座位都唔錯, 梳化位都幾舒適, 不過如果係靠商場那邊的位置就麻麻了, 因為跟外面等緊位的食客只係有一條欄杆之隔, 無遮無掩咁, 我就唔太鐘意喇.

今次由於係新開的關係, 每枱客人都可以獲送最多兩碟的 Chicken Wings Sampler.  真係相當好味, 個人唔太鐘意個 Buffalo sauce, 其他兩款就好正.

另加本月優惠 $20的洋蔥圈, 唔錯.  伴酒一流之選. 

我同細妹就當然要飲呢個推介的 Ruby Refresher啦. 正!

跟住叫左個 Club House Salad, 幾足料, 仲有大量我至愛的牛油果. 

炭燒10oz 肉眼扒亦係必食之作, keep到水準咖 

仲有唔少得的 Chicken Bella 次次食都覺得好好味. 

而家試過呢間新店的環境後, 相信以後要食 Ruby Tuesday的話都會轉黎呢間新店了, 因為食完仲可以去 Tuttimelon 食 froyo呀嘛!  一舉兩得!