梨花苑o既坐位環境講真就非常之麻麻的, 張張枱都好迫好近. 不過附近想食好少少o既韓國料理又的確無乜得揀. 雖然環境就唔係太理想, 但食物質素就有番咁上下的.
今次我跟老公各自要左一款石頭鍋飯, 落完order後會先送上8小碟的韓式前菜, 都幾好味咖. 特別鐘意佢o既粉絲 & 醃蘿蔔. 
跟住仲有一碗普通過普通的蘿蔔湯. 
到主菜登場了: 老公o既係石頭海鮮鍋再加粉絲.
而我呢個就係石頭什錦鍋.
飯後仲有一杯飲品送的, 我地都一齊要左凍o既柚子茶, 好味呀.
食飽後就跟老公去左 City Super 行街兼買料 for tonight's anniversary dinner!! 當然大廚嘛仍然係由老公擔任啦!!!
