之前細妹跟同事去完大戶屋試菜後話唔錯可以帶媽咪黎試番次. 咁o岩佢星期日約左 Friends唔同我地開飯, 咁我老公就打算不如就由我地帶媽咪去試下啦. 點知後來細妹又可以 join 埋我地一齊, 咁多個人就梗係可以試多幾味啦 ~
我地book左 18:30, 細妹率先到場揀好座位. 人齊後就落order喇. 點解話今次試菜係驚喜呢? 事關我地對於o係香港食日本菜都真係無乜特別期望的, 什至有時覺得都幾唔抵食的. 點知今次一試就發現原來大戶屋o既菜色都真係唔錯喎.... 除左老公果份有點中伏之外, 其餘各人對自己的 order 都話讚的.
首先我地叫左一客2只的炸蠔, 由於只得媽咪 & 細好係「蠔」 客, 一客2只就o岩o岩好. 一食落口媽咪就大讚了, 最後竟然要再encore多一客添 ~~~
另外到我讚好ｏ既就係呢個我最愛的日式薯仔沙律, 真係好得, 勁滿意. 
跟住叫左2串鹽燒雞腿肉, 係估唔到咁好味, 有炭火燒的香味, 雞肉亦夠晒大件. 抵讚. 點完前菜 & 小食後, 係時候各自 order 一款定食了.
反而我地3母女o既 order 就真係充滿驚喜. 先黎有媽咪的order - 火炙三文魚盒飯. 實物上枱跟在menu內見到的照片有9成相似! 味道亦真係唔錯.
跟住細妹就叫左個魚生飯定食, 好豐富呀, 實物跟圖亦相當相似. 魚生唔錯, 係件蛋我覺得硬身左少少.
然後到我揀o既鹽燒雞肉玉子盒飯. 可以講真係一流, 份量夠之餘, 仲要好味. 真係好食, 玉子夠滑, 鹽燒雞肉夠香. 
雖然都各自叫左一份定食, 但我地又點會就咁就夠. 於是之後再追加了一份炸豬扒, 外表睇黎好粗o既炸衣. 但原來個係好薄身o既炸粉, 唔會一咬就炸衣與豬扒分離咁甩頭甩骨.
今餐由細妹做老闆宴客, Total 4 人消費食左大約 $730元. 雖然唔係平, 但有番咁o既質素, 我覺得都叫抵食的了. 所以食完之後媽咪都話下次會再黎幫襯!
食飽後我地仲去左附近o既重慶站行左一陣, 跟住就當然係「順路」 去左 The One 食 Tuttimelon 啦. 不過今期o既 Tutti spoon color 唔係太靚. 我希望佢快d 出番d 鮮色d o既咁先襯 summer 咖嘛!! 