Day 6: 11月4日 (星期四) 田原町道具街 + 秋葉原 / 新宿
(初逛道具街, 好多野睇)
由充滿大自然氣息回歸到東京市區後, 活動當然少不免就係四出 shopping了. 由於最近興起整甜品曲奇, 所以我特別為自己插左田原町道具街半日遊呢個行程. 好彩同行的3位團友都無異議, 於是就早上食完早餐後就齊齊出發了. 搭車去到田原町站行到見到呢個咁易認o既地標<<大廚師>>一個就知道無行錯路了.
一開首行就已經被又靚又特別, 又多選擇的各式器材迷到了. 雖然我知香港都有類似o既地方買差唔多o既用品, 但你o係呢度几就會覺得d貨乾淨好多囉. 唔會件件都舖滿麈. 就係咁大家行下揀下都買到一點心頭好的. 期間仲見到好多中外遊客直情拎住一個小型luggage 黎掃貨的. 咁多間店中我最鐘意行o既就係食材店, 真係好多選擇又平, 仲有就係賣包裝工具o既店子, 真係花多眼亂的. 行完後都差唔多兩點了, 由於之後o既行程係我會跟老公去秋葉原行番轉, 所以就先將細妹 & 媽咪送上車等佢地番新宿行下佢地至愛o既手作店先啦 ~
佢地好醒目呀, 到左新宿後仲先行走左去高島屋名代食番餐炸豬扒先開始行街.
而我同老公都唔執輸一於去到秋葉後就盲摸摸的搵番上次食過番尋味的<<黑虎>>拉麵店. 今次大家都order同一款的招牌拉麵, 真係好好食呀.
食完後就開始四圍行下, 難得今次行秋葉終於都無再落雨了. 咁難得一於就慢慢行啦, 我地其實都係主力行某幾幢 Building吧了. 但難得咁好彩都比我地搵到想買o既野呀. 今晚o既晚餐我地選擇左買魚生 & 其他野番酒店嘆, 因為一場黎到唔食下魚生又點對得住自己呀 ~
仲有唔少得o既就係荀之果物 "柿"
是日戰利品一攝: 過到黎唔買番本有袋送o既雜誌總係覺得好唔抵咁o既!
同埋最開心就係搵到呢個 Pentax 扭蛋了, 雖然番到香港不久就見到有7-11有得扭, 但唔係壞機就係吉機. 所以難得o係果邊見到o岩色o既當然買左先就無頭痕啦.
聽日我地將會一日連走幾個景點行街, 都真係好耐無試過咁樣行法了.
