3月27日 (星期六) 日暮里 + 上野恩賜公園 + 東京站 + 新宿
(重點: 失望過後有補償)
再續上回的靚靚櫻花先!
映到大家都覺得夠晒皮之後 終於捨得離開第一個賞櫻景點了. 由於時間都尚早, 所以就安排左落去東京站走一轉, 主要都係想到一到鬆弛熊的專門店睇下有無野買! 去到東京站後首先就於站內的Suica專賣店失守了.
順道映低萬人迷的新廣告燈箱先!
之後落到一番街就先被新店子 Golden Spoon 吸引了, 入去坐低食番個Yoghurt Ice-cream先.
食完後先正式開始行街街了. 鬆弛熊店子堆滿人, 好不容易先埋到店內, 不過今次發覺又唔係太多野要買, 當然唔會完全無收獲的, o係度買就好過番香港先比人搶$$ 啦. 去完鬆弛熊店子後就再去睇埋其他精品店, 不過無收獲了, 我地亦決定晚餐就o係東京站的拉麵一番街攪掂吧.
拉麵一番街內有4間不同的拉麵店, 我地睇圖就揀左去試『六厘舍』, 呢間係主力係つけ麺! 我地足足等了一個鐘頭先有位啊. 可能有d人覺得唔值用咁多時間去排隊食碗拉麵, 不過對於唔太好行街shopping的我地黎講, 排隊食好野都算係一個唔錯的選擇, 起碼唔會覺得浪費時間啦. 坦白講つけ麺唔係我杯茶, 不過呢度o既つけ麺又真係唔錯的. 當你食晒d麵之後, 仲有服務員黎問你要唔要幫你添一點熱湯, 咁你就可以連湯都飲埋啦!
食飽飽後都係7:00幾, 於是就決定番新宿行一陣Tokyu Hands & 紀伊國屋先, 之後當然唔少得要番酒店嘆下今日o係東京站買到的各式甜品 & 鮮甜菠蘿啦.
呢個黑芝麻蛋其實都係蛋糕, 但成個packing都真係幾得意.
撕開包裝紙見到真係好似一隻雞蛋的, 不過味道就稍甜.
呢款係期間限定的黑米櫻もち! 唔算太甜, 幾好食.
以下就係今日之戰利品, 好鐘意新買的Suica card case 同埋鬆弛熊 stickers 呀.
今日一連氣走訪多個景點, 由失望的日暮里去到第一個花見景點上野恩賜公園, 真係開心番晒呀. 終於能夠親眼欣賞到櫻花的美態真係畢生難忘的! 隨著第一個花見景點o既開始, 打後幾日我地都會陸續去到唔到o既賞櫻熱點進行今次之旅的首要任務 -- 花見! 希望天氣好d, 暖d, 櫻花開得多d, 靚d啦 ~~~
