Book 好位於12:00 準時去到, 細妹跟媽咪已經到左仲話我地知已經 order 左兩款點心, 可惜到我地坐定再落第二次 order 兼上埋菜後, 第一輪o既兩款點心依然無影, 而同樣漏單o既情況o係今餐 lunch 之中亦唔止出現一次. 咁o既服務水準真係令我地有點失望!
呢兩款係未落 order 前先送上的前菜, 估唔到幾好味.
呢個 All-you-can-eat Dim Sum Selections 一共連甜品在內有28款比你揀, 價錢就係 HK$198 per guest 再加一 & 茶芥. 老實講點心種類唔算話特別多, 有一d 比較有特色o既點心都不在此列而要額外付款追加.
首先第一? 第二輪就叫左黑松露野菌餃, 味道唔差, 呢個可算係成個 Selection 入面比較有特色的一款. 可惜係之後想再追加時部長竟然同我地講已經完賣!!!! 我真係覺得好匪夷所思, 當時只係1點幾, 咁快就話完賣? 定係其實佢唔想我地再追加? 如果真係咁唔大方的話, 大可以o係張餐單上寫明每位客人只可 order 一件, 咁咪大家清楚明白囉.
呢款係濃湯玉竹卷, 幾好味有水準的.
呢個金珠燒鵝咸水角亦係出色之作, 比之前在凱悅軒所嚐的更有水準.
炸物中的另一款法國鵝肝荔芋角亦係出乎想像咁好味. 而且餡料份量亦好足.
芋絲脆皮春卷就真係太過平平無奇了.
跟住食完呢輪後, 我地就番點了之前 miss 左o既兩款點心, 分別係金柱炸兩 & 蘋果叉燒酥 . 個炸兩佢話係特色點心, 但我覺得個味道其實麻麻.
反而呢款蘋果叉燒酥就仲有驚喜.
跟住我地仲試左淡水鮮蝦餃, D蝦真係幾大隻又爽口, 唔錯.
呢個蟹籽燒賣就普普通通啦, 食過蝦餃就唔會覺得佢好味.
X.O. 醬炒蘿蔔糕幾足料的, 不過味道又唔係太出色
豉油皇煎腸粉我自己就覺得佢太硬身, 唔係咁好食.
反而呢兩款好似普普通通o既平價點心乳香牛柏葉 & 清湯浸牛肉球 佢又整得幾有水準喎.
另外仲有呢個潮式蒸粉果都算合格啦.
是日最差o既都可算係呢個豉味陳村粉蒸排骨, 真係完完全全唔掂, 色, 香, 味無一樣合格.
另外我地仲試左呢款家鄉蓮藕餅亦都係叫人有驚喜的味道.
同埋呢個荷香瑤柱珍珠雞, 雖然飽飽地都仲比佢o既香味吸引到, 唔錯.
其實睇到呢度大家都見到可以揀o既點心其實唔係話好特別囉, 當然星級o既餐廳所出o既點心味道又未致於話太差. 但講到真係抵讚o既就肯定係呢個我地額外再比錢叫o既原隻鮑魚海鮮酥 (HK$32 / 件), 味道真係唔錯. 跟之前o係 Four Seasons 龍景軒所食o既有得揮.
其實我地仲叫左原隻鮮蝦腸粉, 但最終佢都係漏左單無黎囉.
傾傾講講一陣後就輪到甜點登場. 最好味o既係呢個黑糖馬拉糕, 真係好香黑糖味.
另外呢款焗燕窩蛋撻亦都係叫做有水準o既作品.
反而精美糖水 (紫米露) 我覺得就普通左d囉, 好在都叫幾足料!
而另外呢兩款甜點香芒楊枝甘露 & 呂宋香芒布甸 都叫做不過不失咁啦
成個午餐我地都算食得幾開心, 因為難得一家人 weekday 放番日假抖抖嘆下茶! 不過講真就唔覺得今餐話好滿意囉, 食物水準無錯唔太差, 但係未致於覺得有星級水準, 反而上次o係度食晚飯時仲覺得佢都值星的. 今次o既 lunch 食完後就反而覺得點解同樣有任食點心套餐兼水準o係佢之上o既凱悅軒會無星囉. 如果要推介食任食點心的話, 我就會介紹人去 K-11 的凱悅軒了. 不過黎緊我地仲會試另一間同樣有任食點心套餐供應的隆濤院, 希望唔會失望啦.
其實睇到呢度大家都見到可以揀o既點心其實唔係話好特別囉, 當然星級o既餐廳所出o既點心味道又未致於話太差. 但講到真係抵讚o既就肯定係呢個我地額外再比錢叫o既原隻鮑魚海鮮酥 (HK$32 / 件), 味道真係唔錯. 跟之前o係 Four Seasons 龍景軒所食o既有得揮.
其實我地仲叫左原隻鮮蝦腸粉, 但最終佢都係漏左單無黎囉.
傾傾講講一陣後就輪到甜點登場. 最好味o既係呢個黑糖馬拉糕, 真係好香黑糖味.
另外呢款焗燕窩蛋撻亦都係叫做有水準o既作品.
反而精美糖水 (紫米露) 我覺得就普通左d囉, 好在都叫幾足料!
而另外呢兩款甜點香芒楊枝甘露 & 呂宋香芒布甸 都叫做不過不失咁啦
成個午餐我地都算食得幾開心, 因為難得一家人 weekday 放番日假抖抖嘆下茶! 不過講真就唔覺得今餐話好滿意囉, 食物水準無錯唔太差, 但係未致於覺得有星級水準, 反而上次o係度食晚飯時仲覺得佢都值星的. 今次o既 lunch 食完後就反而覺得點解同樣有任食點心套餐兼水準o係佢之上o既凱悅軒會無星囉. 如果要推介食任食點心的話, 我就會介紹人去 K-11 的凱悅軒了. 不過黎緊我地仲會試另一間同樣有任食點心套餐供應的隆濤院, 希望唔會失望啦.
