美味 dinner 外賣 @ 澳門大豐茶餐廳

某一晚的晚餐跟老公叫左澳門大豐茶餐廳的外賣. 因為有我好想試o既炒銀針粉, 由於只係下午茶先有, 所以老公要o係下午茶完結前就幫我落定order了. 就係呢個星洲炒銀針粉喇. 真係好好味呀. 大大碟好足料, 抵食.

老公就另外於晚市時就叫左呢款豬仔腿扒意粉. 又係出乎意料之外咁好味的.

炸物 @ とん吉 The One

7月10號星期日下午跟細妹 & 老公去左 The Grand 睇 Transformer 3, 一套都算幾精彩o既 3D movie.

睇完戲後晚上就約左 mom 去 The One L4 的とん吉試菜.   由於丼吉 weekend & 假期前不設訂位, 所以我地一睇完戲就行過去 The One 了.  佢地o既晚市於6時開始, 我地約於5:45 去到とん吉門口時已經有幾個客人等緊位了.　 我地就排第4位.   好彩早少少排到, 因為とん吉入面只有得幾張枱靠窗的.  要睇靚 view 的話就一定要早d 到喇.

坐定定後當然就把握機會趁未入黑前就幫個靚景映番幾張相留念先啦.





擾攘一輪後終於可以開始睇下有無好野食了. 

媽咪 & 細妹兩位愛蠔人士率先表示要試呢個 special promotion 的鮮蠔盤.

由於我唔食蠔的關係, 所以就叫左一個細細地的日式薯仔沙律做前菜.  雖然佢都幾好味, 但都係覺得上次o係大戶屋食果個好味d.

 

跟住我地就決定一人叫一份炸物定食, 大家再慢慢自行 share 唔同o既食材吧.   我就叫左呢份炸雞扒定食, 估唔到係咁好味的.  特別係佢o既珍珠米白飯 & 味噌湯, 我覺得真係唔錯.  白飯 & 菜絲仲可以無限量添加咖. 

老公 & 媽咪就一樣叫左呢份炸海老 & 炸豬扒定食.  大大的海老共有3隻, 配埋美味的他他醬, 超好食.  豬扒都唔錯, 不過老公話有少少偏肥, 都係我o既雞扒吸引d.

另外細妹就 order 左呢個炸海老 with 炸帶子定食.   水準都唔錯咖.

食完個餐後仲每人有一碟3片的西瓜做甜品, 食完成餐咁熱氣o既炸物, 呢3片西瓜真係份外清甜呀.





是晚總消費共$1,100, 貴貴地咁啦, 但食物o既質素 / 份量 & 環境都係算水準之作.  只係成晚大家都係食炸物就好似有點膩.   所以總結都係覺得大戶屋好似稍為吸引少少.  我好掛住上次果個炭燒雞腿肉定食啊.

食完炸物後最佳甜品除了店內所送的三片西瓜外, 當然就係去樓下果層食番杯 Tuttimelon Froyo 啦.   今晚有新口味"開心果" flavor 都幾得意的! 

大家食飽飽嘆夠後就去左地庫的 Max Valu 迷你日式超市行左陣街先番屋企.  愉快的一個星期天晚上就係咁樣渡過了.

免費早餐!?

之前某天大清早公司有 special event, 我都去左幫手!  晨早起身工作除左賺到 OT 外, 仲有呢份由會場 J.W. Marriott Hotel 提供的精美早餐!

先黎除左有任飲的 Coffee & Fresh Orange Juice外, 仲有好好味的 mixed fresh fruits!

跟住仲有呢份大大份的早餐! Scramble Eggs and Smoked Salmon on Toasted English Muffin Topped with Hollandaise Sauce Served with Tomato and Hash Brown Potatoes!

成份早餐我最鐘意o既係 Smoked Salmon!