不過手術後就曾發生驚險事件, 事緣老爸稍事休息左兩個鐘後想去一去洗手間, 佢問其中一位nurse, 咁回覆係佢可以自行落床去洗手間, 咁o岩果陣細妹跟媽咪去到醫院探佢, 點知唔見左佢o係床, 等左15分鐘都唔見佢番黎, 於是問姑娘, 點知呢個時候有一位姑娘就話 "果位病人今日o岩o岩做完全身麻醉, 點可以自己落床咖?" 於是走去搵佢啦, 結果o係洗手間搵番老爸, 但果陣佢已經半暈狀態, 要即刻wheel chair咁番出黎, 細妹話見到老爸面色青晒, 眼睛緊閉, 真係比佢嚇親咖. 好彩當時媽媽o係外面等緊, 如果比佢見到老爸咁樣, 肯定受不了.
之後老爸上番床休息一陣後面色轉好, 不過由於血壓偏低, 所以精神都唔係太好. 於是佢地兩個就等老爸再抖多陣先比野佢食, 點知d姑娘又係咁叫媽媽離開病房, 夠鐘先比佢地入去, 但眼見老爸成10多小時未有進食, 當然心急想盡快比野老爸醫肚啦, 最終幾經擾攘先可以比媽咪照顧老爸.
跟住約於5時左右終於有一個好消息就係老爸可以調番上二等房喇, 其實我地一入院時都幫老爸申請左排二等 / 頭等房咖喇. 見識過普通病房o既情況, 就更覺轉上二等房係必須o既. 老爸係轉完房後心情都大好, 仲好好胃口添!
而家雖然仲未知報告幾時有, 但起碼手術能夠無事終了都係一件好事黎o既! 希望老爸好好休息一下, 遲d就可以番屋企咖喇.
(P.S. 多謝WT馬士基力量!)
