大家準時到達目的地, 先在餐廳附近映下相, 通過長廓走到餐廳, 環境都幾有特色的.
跟住服務員安排了一張靠窗比較開揚的位置比我地.
落 order 前就先在餐廳內映下相, 店內o既裝修都幾有特色, 很中國風的.
而店外另一邊o既環境都相當不錯, 很 relax 的感覺
+
仲可以見到另一間 Grill Bar 的 Outdoor Seat 好有旅行 feel ~
映完一輪相後當然就係時候點菜等開餐啦. 隆濤院呢個點心任食套餐其實都幾抵食, 連甜品在內都有差唔多30款美食. 大部份都好吸引, 我地今次都試左七七八八了, 食後評係抵讚, 因為點心o既水準都真係幾好, 而且個套餐價錢又適中, 絕對係超值之作. 睇下今次我地試左邊幾款點心先:
先黎好有特色的香檳蝦餃, 大大隻鮮蝦, 美味!
跟住呢款沙律皮蛋蝦筒 就好味到要encore 多一次黎滿足大家!
而呢個金絲燒鵝酥亦都好夠特色, 入面o既芋頭真係好好味.
另外我地仲試左是日的媽媽愛心湯 原來係西洋菜湯, 估唔到又幾好味喎.
老公仲試埋呢款雞茸粟米羮, 佢話普普通通啦.
另外我地仲叫左好多一般o既大路點心, 估唔到全部都咁有水準, 其中豬膶燒賣 & 陳皮山竹牛肉球 真係好得呀, 我地要一再encore黎回味
呢個外型咁有特色o既係臘味糯米包 都真係幾掂咖.
鮮竹滑雞札亦係我推介o既點心之一, 因為真係好少食到咁足料又好味o既雞扎了.
香煎臘味蘿蔔糕
香煎蝦米腸
上素腐皮卷
呢個蜜汁叉燒腸粉我都叫多左一次, 因為真係好滑 ~
其他各款點心仲有: 豉汁蒸鳯爪
豉汁蒸排骨
瑤柱燒賣仔
鮮蝦粉菓
飽類方面試左兩款, 分別係隆濤叉燒包 & 菠蘿叉燒餐包
而炒粉麵飯方面就只係老公試左一碗干燒伊麵 , 佢話不過不失咁啦.
成餐飯的另一驚喜仲包括佢o既甜品, 真係估唔到咁有心準. 首先登場o既呢款蛋散, 真係好得, 連個糖漿都勁掂呀.
跟住仲有懷舊味十足的芝麻卷 & 清新味美的杞子桂花糕 兩款都係水準之作.
最後好彩試埋呢碗香滑豆腐花, 除了份量十足外味道亦令人喜出望外.
4個人大滿足的一餐都係消費共HK$871.00 真係抵到爛呀. 我地肯定下次都會再黎. 食到飽一飽後臨走前仲可以走出去個庭園度映一餐相添
仲見到呢個咁得意o既 Pigeon House, 不過已經係鴿去樓空的了.
離開前見到靚靚o既鮮花 & xmas deco 當然唔放過一於映埋先走啦.
