星之午餐 @ Caprice Four Seasons

之前7月份時一家大細到過了位於 Four Seasons 的龍景軒試菜, 大家都讚口不絕.   今個月我地就一齊去左 Four Seaons Hotel 內的另一米芝蓮餐廳 Caprice 試下法國菜. 

早於2個月前 Book 位, 終於都可以 guarantee 到 window seat.   每次我安排大家去呢d 有景可睇o既餐廳, 我係多數都會 request window seat 的, 因為我覺得個view 其實都係個餐廳值錢o既地方之一.     最開心o既當然就係可以一邊賞景一邊嚐美食啦.   難得今日咁好彩天氣都唔錯, 雖然間中都有落過驟雨, 但整體黎講天氣真係算唔錯的了.   大家準時於12:00 去到 6/F 的 Caprice, 好快就有服務員引領我地去左預訂好的 Window Seat了.  

由於係第一批到o既客人, 趁餐廳未坐滿時即刻就映多幾張餐廳o既靚裝修先, 當然呢個人人都會映咁 Grand 的燈飾就一定唔少得啦.  

餐廳係 open kitchen 形式的.

 

當大家映完一輪相後, 就開始落 order 了.  

不過o係落 order 之前服務員就先送上了餐前小食.    

另外個套餐仲包左一杯 wine 的, 但由於我地都唔飲酒, 所以就轉左要鮮橙汁!

由於之前已經有staff email 左個 weekend menu 比我地睇, 所以好快大家就決定好了.   落好order後, 服務員就再送上了餐前任揀的多款麵包.   今次我揀左呢兩款, 真係好好味呀.

 而呢兩款就係媽咪揀o既.  當然唔少得就係一高 (無鹽) 一矮 (有鹽) 的法國牛油啦.   配埋咁好味o既麵包真係一絕呀.

 

無幾耐就到 Appetisers 登場了, 今次我跟細妹都係 order 左呢款法式燴鴨腿肉拼鴨肝凍批配青茄.  真係好好味 ~

而老公 & 媽咪就都係 order 左呢款香草中東米伴大蝦青瓜粒、鮮茄啫喱配薄荷香檸油醋汁.    由賣相到味道都相當出色.

到大家都 finish 左 Appetisers 後, 服務員先慢慢送上大家揀好的 Main Courses.  呢個係媽咪o既法式油浸蘇格蘭三文魚件鮮蠔碎薯配蛋黃牛油汁.   三文魚配埋呢個蛋黃牛油汁真係好正呀.  

而老公就點左呢款烤法國珍珠雞件亞拉斯加蟹肉、炒莧菜配甜酒汁.   完全估唔到係咁好味的.

我就同細妹不約而同的揀左呢個香燒和牛蔭柳伴青豆甘荀配煙牛肉汁!  我o既係 Medium - Well, 好正呀.   

大家傾傾講講的食完個 main courses後等左一陣就有服務員送上餐廳送的Petit Four 甜品.  賣相真係好吸引呀, 不過味道嘛 .... 我唔係好識欣賞囉.  但都不失為一個新嚐試.  

正當大家都忙於為 Petit Four 映相之際, 傳說中o既甜品餐車就登場了.     呢個畫面真係好豐富呀, 成盆的甜品超吸引.      首先服務員會先為我地逐件甜
品都介紹一次, 跟住就輪到大家自選最多3款的甜品.

呢份係我所揀o既甜品喇.  最前排o既係藍莓 Tart.  

 跟住呢個係超好味的紅桑子 Tart.  

最後一件就係呢個大大個的 Macaroon 了.  好味呀. 

老公就揀左呢三件, 當中最好味o既就係呢件 Brownies.   

而媽咪呢 ~~~~ 就代表 dad 要左呢份生日甜品拼盤!!!     

最後仲有餐飲添, 媽咪要左一杯 Coffee, 好濃滑呀. 

我地3個就叫左cappuccino ~ 一樣咁正.   

好鐘意佢放糖的器皿.   

一餐有景, 有服務, 有美食的 weekend lunch都係$550 一位, 真係好抵呀.     相信要 encore 的話大家都一定會贊成吧! 

試菜 @ Le Fauchon French Cuisine (老富昌法國餐廳)

今個星期六 (8月6號) 跟屋企人又去左試菜, 今次學人試下所謂的法國料理, 當然唔係話好正統果種啦.  地點就係位於尖沙咀新港中心二樓的老富昌法國餐廳 (Le Fauchon French Cuisine).

準時於訂位時間6:30入座, 安排左靠窗的位子, 雖然睇o既只係睇街景!    店內環境尚可啦, 座位間其實都有點迫的.

食物種類都唔少.  今晚我地就每人都叫左一個四道菜的套餐.  即係分別可於前菜, 湯, 頭盤 & 甜品各選一個菜色.









Appetizer 方面, 除左我之外, 老公, 細妹 & 媽咪 都係叫左呢款巴馬火腿甜蝦沙律, 不過佢地話味道就普通左d, 唔係太出色.









反而我覺得我 order 的法式焗田螺就算唔錯.  可能我鐘意食焗田螺掛.




















跟住有一籃的長法飽, 但我想話o既係所配o既牛油就好似 cheap 左少少囉.   不過好彩個飽本身幾好味.









湯方面我跟細妹都係要野菌忌廉湯, 好味.










老公要o既法式海龍皇湯, 佢話普普通通都合格的.







至於媽咪就大讚佢o既是日廚師精選餐湯 - 周打海鮮湯!








接著到 Main Course 登場, 細妹 & 老公同樣要左扒紐西蘭肉眼扒, 真係幾有水準.








媽咪order 左紐西蘭牛柳拼虎蝦, 又係幾正喎.  牛柳都算幾腍身的.

至於我o既燒德國豬仔肋骨相比下就有點失色.  下次有機會再黎我諗我會轉食牛柳 or 肉眼扒囉.









跟住就到是晚相信係最出色的甜品喇.我呢個咁靚造型o既係雪糕芝士餅 (Homemade Ice Cheese Cake) , 味道唔錯, 唔太甜.
















呢款賣相已經好吸引o既就係老公 & 媽咪都 order 左o既焗蘋果撻 (Freshly Baked Apple Tart) , 果然係推介品.
















至於細妹o既香橙芝士餅 (Homemade Cheese Cake)都唔差咖, 而且仲份量十足, 大大件好抵食.







個餐仲包埋餐飲咖.


是晚消費4人共 HK$1047.60, 算相當抵食啦, 200幾元一個人有4道菜, 而且味道又唔差, 相信都應該有機會再黎o既 ~