2010.11 東京 ．輕井澤紅葉之旅 (Day 4: 白糸の滝 + 雲場池 + 輕井澤 Outlet) [下篇]

Day 4: 11月2日(星期二) 白糸の滝 + 雲場池 + 輕井澤 Outlet [下篇]

(一次過睇晒紅黃綠葉)

上回講到o係菊水食飽飽後又夠鐘要趕路了, 因為太遲出發的話去到雲場池就真係天都黑埋了. 於是急急腳走人直往雲場池出發.

去到時其實都係未夠4:00, 仲夠光源映紅葉的. 之前睇reference時成日見到呢個招牌必映的雲場池全景, 今日有幸o係風和日麗o既天氣下親眼目睹真係覺得好幸福 ~

大家一邊圍著個池行一邊好忙咁搵位揀角度映紅葉. 雖然今次紅葉未趕及完全轉紅, 震撼感可能減弱左, 但其實見到轉色中的紅葉映出黎個畫面都幾豐富咖.

大家o係雲場池映到差唔多開始入黑先捨得走. 我地今次照舊都係徒步走番去 Outlet, 沿路會見到好多特色小店 & Cafe的

當然仲有唔少得的可愛植物!

番到去天都黑齊了, 入黑後的Outlet風景一樣咁吸引.

雖然天黑晒, 但都仲有2個鐘時間衝刺的. 結果嘛 .... 就係衝刺到晚餐都無得食, 仲要一頸血咁離場了. 拎住大袋細袋的我們終於要走去 Outlet 內的 DeliFrance買蛋糕番去醫肚. 蛋糕味道不過不失吧, 第一款的Milk卷蛋係最好味o既.

我跟老公又點會食蛋糕就算, 我地老早就準備好杯麵了 ~ Yeah! 今次我試左高身果種豚骨拉麵, 好得呀.

就係咁一家人坐埋一齊傾下講下咁又一day了. 我想如果爸爸在生的話一定都會好鐘意住呢種Cottage的.

以下呢條裙就係細妹送比我for 今次帶團o既禮物喇, Thx a lot!

聽日就要離開呢個咁好環境o既Cottage番去新宿喇. 真係有d唔捨得添 ~