Day 4: 11月2日(星期二) 白糸の滝 + 雲場池 + 輕井澤 Outlet [中篇]
(一次過睇晒紅黃綠葉)
上一篇講到放棄左食燒魚o既我地趕得及搭最近o既一班巴士離開白糸の滝, 準備向下一個景點出發. 今次搭巴士回程時, 我地決定先在三笠下車, 因為果度有間都好似幾靚的三笠酒店. 下車後行左5分鐘就見到, 不過如果要入內參選的話係要比入場費的, 基於各團友都唔係有太大興趣, 所以只係映左幾張相就走了.
講真在香港真係從來都無試過行咁多路的. 我地由三笠一路行番出去一個叫做舊輕銀座的 Area, 旅行書話果度都好多手信店的, 當然如果你係選擇 Cycling的話, 相信就會慳番唔少時間 & 腳骨力的. 但我地呢團o既團友就真係唔太放心叫佢地跟住o係馬路邊踏單車了!! 慢慢行都有樂趣咖, 沿路仲可以執到呢d 咁靚o既松果添 ~
大家一邊行一邊欣賞下四周的景色.
除左猛映紅葉 / 黃葉外, 我地仲好 pay attention to 路邊的小花!
行左大半個鐘啦終於出到番舊輕銀座區了, 我地先走到呢個教堂映下相.
映完教堂又o係附近行左一陣後, 見時間唔早就決定先食個午餐先再繼續去下一個映紅葉必到的景點<<雲場池>>. 今次食Lunch o既餐廳係我之前睇過一個日本節目介紹輕井澤美食的, 我覺得佢所介紹o既呢間好似幾好味咁, 而且感覺地道一點, 總好過成日都係睇旅遊書講嘛. 於是我就帶左團友去呢間叫做<<菊水>>的食店食lunch.
由於已經過晒午飯時間所以連埋我地只有2枱客人. 坐定後就睇 menu 都有唔少選擇的. 點知當我見到老公最想試o既著名燉牛肉(ビーフシチュー洋酒煮)寫住只有晚餐時段才有供應 ~~~~ 心情直跌谷底. 雖然話仲有其他野可以揀, 但我真係想老公試到呢個燉肉的, 因為我估佢會鐘意食嘛 ~~~~ 基於唔心息的情況下惟有開聲問一問老板娘係咪真的食唔到燉肉, 而老板娘都好好人幫我去問廚師, 回覆係而家燉肉都okay呀. 太好了 ~~~ Yeah! 我估佢係試過燉夠在時間先會serve比客人的. 於是大家開開心心點餐完畢後就坐定定等食了.
細妹跟老公Order的食物有湯 / Salad & 麵飽跟的. 試左個清湯, 好好味呀.
麵飽 & 牛油亦係絕配, 你睇下用黎盛牛油o既容器幾得意, d牛油一粒一粒咁排好, 一眼望埋去仲以為係小籠飽添 ~
而我跟媽媽的order 都有一個日式沙律, 好好食呀.
之後主菜陸續登場了. 細妹的信洲和牛Steak, 味道一流.
媽咪order的炸蝦, 都正呀. 超大隻o既蝦仲好多膏添呀. 跟住有我o既鐵板嫩雞腿. 嘩, 真係唔係講笑, 好好味. 就連配菜o既薯仔都相當出色.
好喇, 跟住到左老公o既主菜燉牛肉出場了, 一上場已經嗅到好香o既紅酒味.
用叉拮一拮, 嘩d牛肉真係燉得好腍呀. 夠晒入味. 用黎伴飯真係好夾.
之後細妹個餐仲有甜品送, 好好味o既紅桑子雪葩, 比我食左唔少.
套餐仲包埋飲品一杯, 真係超讚o既一個 late lunch.
食飽飽後又夠鐘要趕路了!
沒有留言:
張貼留言