2010.11 東京 ．輕井澤紅葉之旅 (Day 4: 白糸の滝 + 雲場池 + 輕井澤 Outlet) [上篇]

Day 4: 11月2日(星期二) 白糸の滝 + 雲場池 + 輕井澤 Outlet [上篇]

(一次過睇晒紅黃綠葉)

睡夢中比雀仔清脆的叫聲 同埋 有點刺眼的陽光弄醒. 梳洗完畢後徒步走回酒店大堂的其中一間餐廳食早餐. 一邊行當然少不免一邊映相吧, 因為景色實在太吸引了, 加上晨早光線充沛, 映出黎o既相當然就更靚啦.

呢間就係我地住o既小木屋了, 附近環境係咪相當唔錯呢, 值得一讚o既係每間木屋之間都有相當大o既距離咖.

酒店提供Buffet早餐的餐廳叫做 New York, 環境都算okay的, 當然食物種類 & 質素就唔可以跟新宿的Southern Tower 相比了, 但估唔到都會有即製的 Sunny Egg & Omlet !

如果整 omlet 時你話要茄汁的話, chef 仲會好攪笑咁送你一個茄汁笑臉咖 ~

仲有就係令人有意外驚喜的意粉都真係幾好味的.

食飽後由於想早一點出發, 所以就決定直接走到輕井澤站搭巴士去今日的第一個景點<<白糸の滝>>

車費為710円一位, 坐車去都唔係太耐, 大約25 mins 就到了, 沿途o既景色都唔錯咖.

到站後再行幾分鐘就見到一個小型的瀑布了.

同時間我地仲見到有4對香港過黎的新人在拍婚紗照了. 不過其實咁樣o係景點映婚照都幾阻人的, 因為除左一對新人外, 仲有打燈o既人, Camera man 同埋有助手一個, 所以一行通常都有4-5個人一堆咁, 有時攞景又要點時間. 不過沒有阻到我拍照就成了. 你有你映, 遊客有遊客映. 我仲趁機試下用唔同o既快門映左幾張瀑布相添 ~

由於小瀑布可參觀的範圍其實唔大, 所以好快就可以回程了, 不過如果錯過一班巴士的話就要再等1個鐘先有下一班, 所以我趕唔切食我至愛o既燒魚了.

下一篇講下離開左白糸の滝後o既行程.