做冬大餐 @ 和民

又到左一年一次的大時大節 "做冬" , 除左前一晚o係屋企等媽咪整左個超正的鮑魚嚮螺海參湯之外, 正日當天 (12月22日) 一早就o係和民 book 好位大家齊齊食餐勁了. 

今次咁o岩和民有10週年的套餐優惠, 我地一於就照叫啦.  睇完下面o既相你就會知道呢個4人餐唔使$500元真係抵食到爆!!!   

先有飲品一人一杯 ~

沙律一大碗

刺身一碟 ~

枝豆今次整得好食過之前果次, 起碼唔會黃晒先.

脆卜卜又熱辣辣的薯條

炸物仲有呢個天婦羅

鹽燒雞軟骨一人一串

棒棒餃子一人有一條

大大條燒鯖魚 

日式口味的Pizza 一個

火鍋3款任揀一款, 我地要左相撲火鍋, 仲跟埋追加的烏冬

以為就咁就夠?  錯了, 仲有兩款飯跟住登場, 我地分別揀左呢個石鍋海鮮飯

仲有呢個東京牛肉飯 - 結果呢個飯要原封不動咁 take away 先得.  因為實在無法子食得落了.

就係咁簡簡單單的一家人聚埋一齊食餐勁的就做左冬喇.  黎緊又到聖誕節, 同樣都安排左食 & 食o既節目, 希望大家今個聖誕都過得豐富又滿足!  

好味抵食和民 AEON 夏祭套餐

今晚同屋企人去左和民食飯, 由於之前老公申請左和民的AEON card 今次就一於貪得意試下叫
呢個只係 for AEON card owner 的二人套餐!

首先送上o既係溫泉蛋博洛尼斯 Pizza.  第一次食呢款 Pizza, 原來係好好味咖!

跟住再黎o既仲有平時都有食開的炸雞軟骨.

   仲有呢個第一次食o既枝豆, 原來我地一家人都好鐘意食咖.

再黎就係都係第一次食的意大利風薄切鮭魚!  果然跟平常食開o既好咖同. D醬汁好正呀.

食左咁多款小食後, 就到兩款主打登場, 其中一款係相撲火鍋, 料足味道亦好.

另外仲有呢個石鍋黑椒牛肉飯, 真係相當惹味.

個套餐仲包左兩杯飲品的, 我地就order 左芒果牛乳, 嘩, 無得頂呀.

咁我地4個人食一個2人餐又好似差少少o既, 所以另外再散叫左一客和民沙律 & 以下呢碗北海道味噌拉麵

另由於之前幫手做完 survey 後收到飲品 coupon 所以就叫左呢杯菠蘿益力多比老公.

今餐試左好多新菜色, 大家都超滿足的.  不過最令我地滿意o既都係佢夠抵食.  今晚叫左一個2人套餐外再散叫兩款食物, 埋單都只係$229.60,  真係有無得再抵食d添呀.