水準不變的Gioia by Chi Patisserie

最近媽咪又再一次去左位於九龍城南角道的 Gioia by Chi Patisserie 買左新蛋糕比我地試, 今次主力其實係呢個 Cherry !

個人覺得唔係太o岩我胃口, 都係鐘意之前o既 Mango 同埋 藍莓 tart 多d .  同埋今次細妹話佢地負責 pack 蛋糕o既服飾員手勢差左好多, 件蛋糕都未拎門口已經幾乎成個塌左.  

水準不俗的 Smile Yogurt

最近終於捉左老公陪我去九龍城的 Smile Yogurt 食 dessert 了. 之前睇過報紙介紹好似好吸引咁, 雖然貴貴地不過都想去試一試.

由於無寫低地址開初都怕搵唔到咖. 不過好彩o係我想放棄之際就見到白白淨的店子出現眼前.

Around 1:00幾去到無乜人.  店內裝修就普普通通啦, 對正大門的 display 可以見到 dessert 的 samples. 

而牆上就掛有繪書形式的甜品介紹. 



今次 order 左一客 Mango Fever 試下.   而家做緊 promotion 都要 $58 的.  不過個樣又真係幾吸引的, 起碼跟見到o既 Sample 有9成似.

如果係 Mango 愛好者, 呢個 Mango Fever 相信都應該可以滿足到的.   因為都真係由頭『芒』到尾的.  最頂頂的 mango 雪葩酸酸的好開胃.   原味的 Yogurt 都唔錯.  中層仲有 Mango Pudding, 夾埋一齊食, 好正.  食到底都仲有唔少芒果肉.  整體而言都係一個抵食o既 dessert! 

唔知仲有無機會黎試埋另外其他口味o既 Yogurt Dessert 呢 ?







週六開心 Lunch @ 清真牛肉館

星期六趁要到九龍城買材料 for 自家 Shabu 之際, 跟老公順道去左清真牛肉館食lunch! 今次係第一次於午市光顧. 估唔到食客都唔少的.

由於要留肚去試甜品, 所以都唔係叫左太多野食. 當然黎到就一定會叫不食不行的清真牛肉飽. 真係好好味.

再黎就係今次o既新嚐試, 三絲麻醬冷麵, 味道係唔差的, 只係麻醬食得多有點膩.

另外為左要食銀絲卷而叫左一客咖哩雞.  真係好有水準.

老公仲順便試埋佢o既豆漿, 原來都真係幾好飲咖.

Pre情人節晚餐 @ 清真牛肉館

由於正日情人節當晚老公要番學唔得閒, 所以我地提早於星期六晚食番餐飯當慶祝.  今次我地揀左去位於九龍城打鼓嶺道的清真牛肉館試下.  比原先訂的6:30早左少少到, 估唔到都已經有幾枱食客了.

因為一早上網睇左有乜野食, 所以好快就可以點菜了. 今次試左以下菜色: 第一款唔少得o既當然就係次次都係由媽咪外賣番黎比我地試o既馳名清真牛肉餅,  今次終於可以即場試下了, 果然更加美味. 

除左餡料多之餘, 仲好多肉汁添咖. 真係好好食.

另外叫左呢個麻油雞, 估唔到咁好味, 麻油味好香, 雞肉亦好嫩滑.

呢個係黃金蝦球, 即係咸蛋黃炒蝦, 真係好好味呀.















再黎就係辣咪十足o既咖哩牛腩, 另外仲可以跟白飯的, 不過我地就咁單叫.  牛腩好夠味亦好腍身.

食咖哩牛腩唔跟白飯, 因為我地叫左一蒸一炸的銀絲卷.  好讚, 好耐無食過咁有水準的銀絲卷了.

來都真係相當飽咖喇, 但係實在忍唔住想再試埋甜品, 結果叫左一客4個的高力豆沙

個人覺得好有水準, 絕對比鹿鳴春那些所謂的名店更好味!

其實仲有好多野想試咖，但真係太飽了．　下次有機會的話一定要叫埋細妹 & 媽咪一齊黎食!

呢個 Pre-情人節晚餐消費為$333.00 (仲包埋額外 order 的 外賣3個清真牛肉餅拎番娘家), 真係幾抵食咖.