再嚐大戶屋

食完一次大戶屋後, 對佢o既鹽燒雞肉玉子盒飯念念不忘, 終於比我搵到機會再去食喇.  同樣 book 好位大家準時6:30去到.  睇完一輪 menu 後最終都係決定每人叫一份定食 / 單品, 跟住再叫少少小食大家share.

首先登場o既當然就係我最欣賞o既日式薯仔沙律, 佢真係整得好好味.

跟住仲有唔少得o既就係媽咪 & 細妹好鐘意o既炸蠔.

今次仲有試左呢款細妹推介的豚肉蕃茄串燒 & 豚肉蘆筍串燒, 真係無介紹錯喎.  好好味呀.  大戶屋o既燒物真係好得呀.

跟住就到每人個別o既菜色登場喇, 媽咪都係揀番佢最鐘意o既火炙三文魚盒子飯.  果然水準不變 .

而我都係鐘情於我o既鹽燒雞肉玉子盒飯, 真係好好味呀.

老公今次醒呀, 唔再叫佢果d中伏o既 Soba了, 今次試左好好味o既鹽燒雞串燒什錦盒子飯.  呢個都係好好o既選擇, 因為可以一次過食到咁多款o既燒物, 真係好正.

跟住到細妹喇, 今次佢揀左呢款免治牛肉單品.   一上菜o既時候好吸引呀, 香味四溢的.  牛肉都好夠 juicy.  抵讚.

今餐消費為$550, 真係幾抵食呀.

大滿足的離開大戶屋後當然少不免就係走左去 The One 食 Tuttimelon 啦 ~