話說星期六去左學整咸豬手, 咁難得落 CWB, 老公就專程過黎等我放學同我食番個 lunch ~~ 今次揀左呢間 caffè HABITŪ the table !
由於課堂 overrun 的關係, 我一放學後就急急腳去餐廳搵老公, 點知間餐廳真係超難搵, 如果由禮頓中心搭 Lift 上到 2/F 入左G.O.D 的話, 根本就同入左個迷宮無大分別. 幾經轉折終於都到餐廳了. 老公早到咁多, 當然就叫番杯 drinks 一邊飲一邊等啦. 青青地果杯就係老公覺得麻麻但我幾鐘意o既 Lemonade ~ 之後老公另外仲叫左一杯 Iced Choco, 都幾夠朱古力味喎 ~~~
唔知係咪因為上堂果陣太緊張兼且太忙, 到放學時我變得無乜胃口, 所以唔敢叫太多野食. 原先想試 Pasta 的, 不過最終都只係叫左兩款食物就算了. 今次試o既有人人都話唔錯的 egg benedict with smoked salmon, 不過不失咁啦, 又唔可以話好出色, 只係普普通通咁囉. 但係個賣相都幾吸引o既.
第二款就試左 Beer-Battered Fish n' Chips 英式炸魚薯條, 估唔到都真係幾夠份量的, 剛炸起的炸魚沾上一點沙律醬真係好好味.
簡簡單單的兩道菜, 輕輕鬆鬆的跟老公傾下計就過左一個 lunch time 了. 呢一餐埋單要 HK$319, 個人覺得比較貴之餘亦唔太抵食, 對我黎講係屬於一試無妨的類別.
沒有留言:
張貼留言