Lunch @ 蘇浙匯：差點以為去錯左黑店
玩完番黎真係超唔想開工 ~ 不過唔開工又點會有$$再去玩呢? 所以嘛, 惟有寫下遊記方便自己回憶下快樂o既旅程!
今次之所以會去澳門黎一個短trip 係因為之前媽咪提起話想去睇水舞間, 咁我地幾個又有假期於是就決定齊齊去macau行番轉. 今次我地都係 through Agency 訂酒店連 show tickets的套票, 價錢係約每位$1800 包Grand Hyatt 雙人房一晚住宿連早餐, 水舞間 B區 ticket, & 來回船飛. 今次我地選搭金光飛航, 由港澳碼頭直達氹仔. 個人覺得幾方便, 仲唔會好似舊碼頭果邊咁迫人. 而且一出碼頭有 shuttle bus 直達多間酒店, 真係好方便的.
星期日早上10:30 船出發, 約一個鐘就過到澳門了, 天陰陰的, 不過好彩係無落出雨, 天氣都幾舒服. 坐shuttle 好快就去到位於新濠天地的 Grand Hyatt 酒店, 雖然知道咁早都無房 ready, 但都做左 pre check in 先, 順手放低個大袋先再出去食lunch. 想講o既係 Grand Hyatt 的環境真係唔錯, 大堂我覺得幾 Grand的.
 |  |  |
不過d staff 做野有點慢同埋唔夠 smart. 攪左一大輪 pre check in 後又要再攪一大輪 for 水舞間 tickets, 點知finally佢都係話暫時出唔到飛, 叫我地3點後先再試. 咁既然無野做到, 我地就只好出發去醫肚先啦. 由Grand Hyatt 行番出去等車時經過映的可愛燈飾.
今日o既lunch我地之前book好左去位於星際酒店6/F 的米芝蓮一星級飯店『蘇浙匯 』, 我地book 13:15 果轉, 時間剛剛好.
坐低就開始揀點心, 唔知係咪因為食第二輪的關係, 點心紙上有好幾款點心都叫唔到了. 不過好彩最想試的小籠飽 (即係蘇浙湯包) & 灌湯餃都仲食得到.
正當心中大呼中計之時, 估唔到佢之後上o既點心又幾有水準喎! 好似呢個沙爹金錢肚, 真係好入味, 好食過香港的好多.
豉汁蒸鳳爪： 亦都係水準之作
鮮蝦腸粉 & 炸兩腸粉： 兩款都唔差, 當中o既炸兩真係抵讚.
本幫燻魚： 賣相雖然就麻麻但味道真係幾好.
水晶鮮蝦餃：算okay之作
白灼牛百葉：好食過香港，牛百葉好軟身
魚翅灌湯餃：湯底不俗，惟獨是餃子皮厚了一點
咸魚雞粒炒飯：全餐中最令人讚不絕口的估唔到係呢碟炒飯，真係有份量之餘亦好香咸魚味同蛋味，飯亦炒得夠乾身．
蘇浙湯包：好食，可以的話真係想encore!
帶子鳳眼餃：普普通通的點心
蟹籽蒸燒賣：又係普通左少少
腐竹牛肉球：幾新鮮的牛肉球，比香港的好食
XO醬煎蘿蔔糕：呢個都唔錯，起碼有蘿蔔味
寧波湯團：唔係太好食，可能食唔慣呢種口味，但本身粒湯丸係好正的黑芝麻餡
棗泥鍋餅：又一個驚喜，估唔到咁好食．
豆沙南瓜餅：推介甜品之一，唔太甜之餘，個皮仲好煙靭
豆沙麻球：又係比香港食到的更出色．
總評: (5
為最高分)環境：以一間於酒店內又有一星的食府黎講, 呢間都算合格o既.
服務：侍應o既態度就有好有唔好咁啦. 最差的係無提示客人最後加單係2:30, 好彩我地第二轉都叫晒想食o既點心, 如果諗住逐少叫的話今次就真係中晒計啦.
食物： 大致上都 okay 的, 不過又未致於太特出. 不過以 MOP 98一位黎講我覺得算唔錯了. 另一個問題就係有d點心點左但係無黎到 (e.g. 上素腐皮卷, ,白灼生菜, 白灼芥蘭) 追左幾次先話係賣晒, 呢樣我真係覺得唔掂囉. [其實係應該比3粒半至4粒 ]
[其實係應該比3粒半至4粒 ]如果可以改善一下的話, 其實呢間都係值得推介的食店黎o既, 起碼抵食先啦. 是次消費為 $475.00
下一篇再講 Grand Hyatt 房間的詳情.
沒有留言:
張貼留言