食完買完後就拉隊走左去哈根大師坐低嘆番個 tea 先. 由於之前o係船上派果本小冊子內有一張 coupon 係可以o係 Haagen Dazs用的, 我地當然唔放過啦, 於是就點左呢個 Tea Set ($188) 仲o岩o岩好可以用埋張 coupon 送多一客單球雪糕添呀. 超抵食.
最高果層有4款任揀o既雪糕 flavor, 我地揀左 Rasberry, 比利時 Chocolate, Strawberry & 綠茶, 仲有果個mini 就係雲呢拿, 芒果 & 朱古力 mini球.
跟住中間果層有各式甜點, 好似macroon, moose puddings, cookies etc, 款款都好味.
而最底果層就係生果拚盤.
成個 tea set 仲包埋兩杯飲品咖. 真係幾抵食.
而憑 coupon 所送o既一個單球, 我地就揀左 coffee 味, 所以今次食一個 tea set 就滿足晒我地各人不同o既口味, 大家都食得勁開心.
食完個大滿足o既雪糕 tea set 後又係時候四圍行下, 跟住大家約定 around 5:15 再集合搭車出去市中心食 dinner. 今晚我地打算去沙利文 - 一間每次我地過大海都會去食的餐廳. Shuttle Bus 去到新麗華酒店後行一陣就到, 點知去到門口見佢貼左張紙 "由於修爐關係, 餐廳要休息至2月26號" ..... oh my god. 唔係咁正掛 ~~~~ 點算? 好在都有諗過下 plan B 的, 於是一干人等又由沙利文行番去民國大馬路的咖哩屋, 沿途仲見到好可愛o既兒童遊樂場, 入面o既車仔好得意呀. 當然唔少得就係我最鐘意映o既萄式建築物, 真係好 colorful!
當我跟老公邊映邊行去咖哩屋時, 遠望見到先頭部隊的細妹 & 媽咪正在折返中... 心諗唔係掛....唔通太多人等位? 點知原來真係可以黑仔到咁 ~ 咖哩屋都休店直至3月2號啊, 仲要係好似正正就係我地黎o既今日開始休息添!!! 時間真係夾到無咁準呀. 無計可施之下, 惟有走進在咖哩屋隔離o既呢間 Henri's Gallery 餐廳解決今晚o既晚餐啦. 又估唔到原來呢間餐廳o既食物都幾有水準咖喎 ~ 今次真係誤打誤撞試到好野添 !
落好 order 後雖然我地無點到 soup, 不過都有餐飽食, 個飽仲要好鬆軟, 正!
我地今晚就試左萄式燒豬, 幾好食咖真係.
紅酒燴牛脷, 好正.
介有呢個夠晒辣味o既咖哩雞.
另外仲試埋佢o既焗豬扒飯, 果然都好有水準呀.
今晚呢餐消費共$585.00 都算幾抵食, 因為d 食物份量都好足的. 食飽飽後又行番去新麗華酒店等shuttle 直接番去新濠天地. 沿途映下特別既掛飾 & 澳門o既夜景, 都幾吸引咖.
由於我地book左夜晚9:30 船番香港, 仲有時間就入去 casio 玩多轉老虎機吧 ~~~~ 跟住8:50 再集合就坐 shuttle 直出氹仔碼頭番香港結束是次 macau 水舞間兩日一夜的開心之旅了.
