Day 5: 11月3日(星期三) 輕井澤 Outlet + 回歸新宿 [下篇] (Outlet 二次出血)
快手攪掂個午餐後稍為休息左一陣又再出動了, 細妹同媽咪繼續行街, 我就同老公先行去左輕井澤o既車站JR counter 劃定位番東京. 由於怕大家o係 Outlet 都仲有排行下, 唔想咁趕於是就Book左18:04 o既一班車了. 咁大家就仲有2個鐘慢慢行. 我同老公之後都無收獲了, 只係慢慢咁邊行邊欣賞下黃昏時份的Outlet, 行下個草地, 因為o係香港都真係無乜咁好機會.
夠鐘集合後一干人等又再拎住大包細包咁上車離開輕井澤番去東京市區了. 入黑後輕井澤站頭的聖誕裝飾都已亮燈了.
原先寫行程時我係諗住出番東京站後跟大家在附近食個飯, 跟住再行下Tokyo Tower的, 但眼見大家行Outlet 都已經筋疲力竭, 再加上咁多行李拎在手, 打後o既行程還是要改一改吧. 於是我地先行一同返回新宿 check in 酒店時, 細妹就幫我地過左高島屋的築地玉壽司等定位食晚飯. 結果我地都要等到9:00多先有位, 好彩都仲有放題食 ~ 我地當然唔客氣大吃特吃吧. 黎咁多次都無失望過, 每款壽司都係咁美味的.
係時候又睇睇有乜戰利品先.
好鐘意呢隻透明的Rody呀, 肚入面係糖黎咖.
仲有呢幾個就係出發前o係東京站買的Suica產品喇.
食到飽飽後就大滿足咁行番過酒店又係時候準備休息了. 聽日我將會帶大家去位於田原町的道具街行一行, 之後就會跟細妹 & 媽咪分頭行事, 因為我會同老公行一轉秋葉原!
沒有留言:
張貼留言