Day 3: 11月1日(星期一) 輕井澤到着 [上篇] (天氣由陰轉晴, 感恩!)
今日唔可以同平時一樣咁 Hea 住出門, 因為我book好飛今日早上會搭11:24分由東京開出往輕井澤的新幹線 ~ 所以早上大家食過早餐後就先check out 新宿的酒店, 並將大型行李寄存在酒店, 留待我地o係輕井澤番黎時先再check in了. 之後大家盡量輕裝上陣就出發去了. 今次由東京落輕井澤我地就係用呢張JR East Rail 3-day Flexible Pass了.
好快就到左東京站, 由於時間尚早, 老公幫我搵到位於東京站內的Suica精品店, 我終於可以買到夏季 & 秋季 version的 Suica card套了 ~ 而媽媽都趁機o係東京站買左呢款朱古力甜品以備不時之需 ~
之後差唔多時間我地就準備到月台等車了. 我地搭o既係顯示屏中間果架あさま519號.
列車到站前見到呢個廣告 ~ 下次有機會去下青森都唔錯喎 ~
之後列車到站喇. 必映之相片之一『列車埋站』.
先有清潔人員清理一下車廂, 跟住乘客就可以上車了, 座位超寬敞, 好舒服的, 如果大型少少的行李可以放於車卡與車卡中間的行李架. 為左確保大家坐得舒服又可以坐埋一齊, 建議選擇指定席, 當然非 Peak season的話, 自由席都係絕對無問題的, 我地今次班車都有好多"吉位"的. 坐定定後列車好準時就開車了. 由東京去輕井澤都只係1個鐘多少少, 真係好快. 1個鐘頭多少少就可以將人由繁忙的東京市區帶到眼前一片綠油油的郊區, 難怪好多日本人都鐘意黎輕井澤小休一下啦. 列車一邊前進, 映入眼廉o既景物亦由高樓大廈變成綠綠的一片田. 而且眼見天色也愈來愈晴朗, 整個人o既心情就即時開心起來了.
不經不覺舒舒服服咁就聽到廣播說列車已到達輕井澤了. 一落車就感到新鮮空氣撲鼻, 再放眼遠望, 好靚o既藍天白雲啊, 仲有就係o係香港好少見到的小平房, 一眼無際的大片綠草地. 心情真係開朗不少.
在出發由南口往酒店check in 前, 大家都好努力的四處走動, 映下輕井澤的站頭.
原來北口已經有Xmas的裝飾了, 簡簡單單的但已經感受到聖誕節的輕井澤係應該相當吸引 ~
望遠處仲見到滑雪場已經開放了, 我都好想冬天黎滑雪呀 ~
映完一輪相後終於再度出發, 由於事前忘了check清楚要幾耐才有一班酒店的shuttle, 在問過 information center 後, 發現原來徒步到酒店都係15分鐘左右, 係咁舒服o既環境 & 天氣下, 大家都無所謂啦, 一於就徒步走去吧. 沿路看看景色也不錯.
在經過輕井澤的Prince Shopping Plaza West Area 的味之街時仲順道在出名的松阪牛燒肉店ろぐ亭訂位食晚餐.
沿 Outlet行往酒店時眼睛已急不及待的往各大店鋪張望. 終於走到酒店附近了, 登時看見好美的紅葉景色啊. 你睇, 我地走過停車場時連一株半株的紅葉也不放過的.
擾攘一輪後終於找到酒店的Lobby大堂了!!! 今次我地於輕井澤的3日2夜之旅將會入住 軽井沢プリンスホテル 的 West Cottage!
其實Cottage 都有唔少 types的, 我地4個人就揀左 Type D, 因為鐘意佢有兩個獨立的 Washrooms, 咁樣大家用起上黎都會方便d嘛. 由於當時只係2點多, 房間就要3:00先準備好, 所以我地先寄存好行李後就走出酒店附近狂映相了. 例牌會映o既酒店招牌位.
呢間將會係我地黎緊兩朝食早餐o既餐廳外貌.
酒店附近都好多紅葉植物啊 ~
好鐘意呢個變緊紅色的葉 ~
其實金黃色都真係好搶眼咖.
除左映紅葉外, 細心d睇仲有唔少其他可愛又嬌艷的花卉!
在通往一片綠草地的途中忽然聽到有東西從高處掉下來的聲音, 原來係栗子啊 ~~~
你睇, 一大片栗海 ~~~~ 我都係第一次見到連埋咁大個果殼一起的栗子.
行左一陣酒店附近映夠相後就捉緊時間去左 Outlet 內幾間專賣手信的店鋪先行將要買的手信弄好 ~ 不經不覺映下映下, 買下買下又到夠鐘拎房的時間了, 下一篇將會介紹下 Prince Hotel 的 West Cottage係點o既樣!
沒有留言:
張貼留言