夾心人

我鐘意食夾心餅, 但唔多鐘意做夾心人, 因為做得唔好的話, 分分鐘吃力不討好. 每個人都有唔同o既性格, 硬要一方改變去遷就自己係好唔實際o既諗法. 當然大家一齊生活需要o既就係互相遷就, 但忍都有個限度o既, 忍到頂點時咪會爆煲囉. 一個人係絕對唔應該覺得問題永遠出於另一方, 咁樣諗法只會令大家關係更僵. 試想想可能自己都有不是o既地方, 咁又何苦太執著呢? 我明白要照顧病人唔係易事, 大家都無受過什麼專業訓練, 有時做得唔好, 做得唔足夠係一定咖喇, 問題係一定要做得開心, 做得順氣. 唔好有被迫去照顧o既感覺. 咁樣大家都會好辛苦. 呢個係無形壓力黎o既.

好似今日咁我偷lunch time 上左去探爸爸, 果時媽媽都未上去, 比著係往日佢已經坐左o係度啦, 有時我會覺得真係咁無野好講就見少d面啦, 唔係真係要日對夜對先叫好咖嘛. 見面唔在乎時間長短問題, 反而心情先緊要, 如果日日無時無刻咁見面但成日都係嘈交o既咁見黎做乜? 重質不重量係我o既 idea, 唔想見o既真係唔好勉強, 而家呢個唔係責任, 亦唔係強制性o既, 有時間有心情咪去陪下囉. 自己都有野忙緊又或者心情唔好o既就麻煩唔好見面, 費時到時撩交嗌.

當然身為病人o既爸爸亦好應該學識點樣去appreciate人地為佢所付出o既一切, 有時做左d野唔一定要講出黎, 而家唔係講左就會加分. 唔好成日都以為人地幫唔到手, 要照顧病人唔係易事黎咖. 大家都係學習階段, 當中一定有d野做得唔好, 又或唔識處理, 比d耐性大家嘛!