出院順利

今日11:00幾媽媽打比我話爸爸可以出院了. 早上10時30媽媽去到醫院時, 原來醫生剛巡完房走左喇. 不過醫生都有同爸爸講今早照o既最新X-ray報告指還有少量顯形劑留在大腸, 所以臨走時會幫爸爸再瀉多一次先. 之後抖一陣無問題就可以番屋企咖喇. 最終佢地等到11:00幾就有護士同佢地講可以辦出院手續喇.

之後佢地番左屋企休息一會, 我跟細妹就已經打電話回家再三叮囑他倆不要再隨便亂吃東西了, 因為醫生吩咐過爸爸只宜食用低纖的食物, 否則腸道阻塞o既問題就解決不了的. 而我亦都立即上網查看有什麼食物係屬於低纖的, 搵定料幫下媽媽. 另外細妹亦忙於為爸爸報新一輪o既氣功班, 希望佢可以盡快pick up番啦. 在此多謝陳師傅的熱心提點及幫忙. 希望爸爸休息完, 體力恢復後就會勤加練功啦.