結果發表

終於明天就到左老爸做完抽Tissue後的報告結果發表之日. 自從上次做完抽Tissue化驗之後我地一家就不停比報告ready這一天弄得神經緊張似的. 其實當日抽完Tissue後得悉老爸o既報告要等咁耐先ready之際, 我地已經問過可唔可以快d知道, 因為期間又經過漫長的4天Easter Holidays, 我地最想o既係假期前有好消息收到. 不過醫護人員說化驗報告真係需時咁耐, 而萬一報告提早ready同時醫生又覺得事態嚴重需要即時約見的話就當然會第一時間通知. 聽到呢個消息後個心又怕真係會提早接到通知要見醫生, 因為咁即係意味著報告唔會係好事啦.

所以呢兩個多星期就真係飽受煎熬, 說不擔心就係假o既. 忐忑不安的心情其實係最痛苦的. 現在只盼這段時間的折磨最終會帶給我地家人一個開心的Result吧! 明天我會放假一天陪著兩老去聽報告的, 但願覆診我我地3人可以去食番個久違了的開心午餐.