豐富蟹宴

上星期某天晚上番屋企食蟹宴.  媽咪準備左好多靚蟹呀.  全部都有我鐘意o既蟹膏.  兩種唔同o既煮法同樣美味.

同場仲有我好鐘意食o既煎鮫魚添呀. 

當然菜都唔少得的, 今晚有美味的蠔油韮菜花!

食蟹嘛, 都係o係屋企方便兼盡慶得多.

粉冠軍

今個星期行經花墟時揀來揀去終於都係揀左呢款粉紅色的紅掌『粉冠軍』!

當中有較深的粉紅色, 亦有淡淡變色中的粉紅色.  好靚呀.

鬆弛熊 2011年 Halloween 造型

今年個 look 真係好可愛呀.

Happy Friday @ applegreen

天氣咁熱真係唔知食乜好, 更唔好講話要阿媽匿o係 kitchen 煮飯, 真係煮完都唔想食了.  Happy Friday 就一於齊齊出街食飯算了.  今次揀左去 applegreen 因為貪佢就腳.

先黎一個頭盤開下胃.   呢個牛油果醬配脆脆係一貫水準, 好味.

跟住再黎一個帶點酸醋味的燒牛肩沙律, 估唔到個燒牛肩幾好食.

主菜叫左一客炭燒美國穀飼豬扒, 呢個正呀.  老公超欣賞佢用黎拌豬扒的蘋果醬.

今餐中計o既估唔到係呢個沙沙蕃茄辣雞意粉, 得好少雞肉咋, 雖然味道都唔錯.

最驚喜o既就係今晚o既甜品, 我地叫左一客迷你甜品拚盤, 有幾種唔同o既甜品大家可以share黎試勻佢.

首先我呢個法式焦糖燉蛋真係唔錯, 我好鐘意呀.

仲有呢個唔錯o既蘋果批都好正.

再黎仲有一球雲呢拿的雪糕 & 兩球朱古力脆皮包咖啡 / 雲呢拿的燒雪糕

是晚消費共$695, 價錢都係略貴, 不過好彩味道唔差都算okay的.

 

2011年8月生日Buffet @ Cafe Kool

一如往年, 8月份我地屋企人都多數會為兩位8月之星攪番場Buffet 開心下的.  今年就選擇左都有一段時間無去的Cafe Kool @ 九龍香格里拉.  十大一小的組合於6:00時到場, 坐低無耐buffet 就開始了.

今次主力想食o既係沙律, 因為真係覺得 Cafe Kool 的沙律唔錯, 料多之類仲有專人幫你拌勻.










食第二碟果陣我仲加埋超好味的煙三文魚.  可惜之後都唔見有refill, 呢樣係我最唔欣賞的.









老公就對沙律唔係太大興趣, 所以主力試下其他菜色, 好似燒味 & 粥.  味道係不過不失吧.

老公話d生蠔普通啦, 唔係咁正.  個匈牙利牛肉湯都係麻麻地咁啦.











跟住屋企人仲試左呢個蟹, 又係普通料囉.












麵包 & 芝士都係合格的水準.

反而魚生又真係唔錯喎.

而全晚另一味我好欣賞o既菜色應該就係呢個燒牛肉了.

主菜食得七七八八後就係時候去進攻甜品部了.  其實Cafe Kool 都有唔少蛋糕甜品提供的, 不過因為我又唔太好蛋糕, 所以都無乜點試, 反而屋企人就試左好幾款, comment 係都 okay 啦.

而全晚最令大家讚不絕口的應該都係佢o既雪糕了.  因為口味多之餘仲要唔係一般貨色, 起碼口味有平時比較少有的豆腐, 芝麻 & 紅豆, 而且仲要好有水準, 抵讚.

最特別o既係客人可以要求服務員就咁用碗盛著雪糕球外, 仲可以試下炒雪糕.  雖然其實炒完係無乜太特別.

反而之前有點期待的自家製新鮮乳酪就有點失望, 因為當晚只有一款口味提供 (Coffee)之餘, 我覺得味道唔係太好.  入口感覺似沙冰多一點.

飯後果選擇都唔少, 不過就唔太出色.













埋單時好彩有折, 否則就會覺得唔係好抵食, 因為最大問題係 buffet 9:30先完, 佢好多食物都係去到8:30就唔見有乜 refill, 真係想食都無乜野好揀. 呢樣真係唔太得.

小克．聾貓 @ 德福商場

上星期同屋企人去完 Telford 食飯後, 見到好多小克o既聾貓公仔, 忍唔住拎起手機狂映!  一眼見到兩條長電梯旁一隻隻排好隊的太空人聾貓 So Cute!

搭完電梯上去發現仲多聾貓 & Friends呀.  而且個個造型都超得意.

走到商場中間近 Information Counter附近仲見到連條柱位都貼左好多過癮o既貼紙!

一直行到第二期的盡頭見到有個迷你的 exhibition, 有跟其他 artists 合作繪製的聾貓!   有部份o既造型真係勁有創意.

當然大型 Figures 就少不了的, 有成枝火箭添咖!

參觀完第二期呢邊o既公仔展覽後再走番去一期商場, 呢邊都有大型擺設咖.

而有商場中央的位置仲有一個要捐錢先可以進入參觀的 area, 不過當晚太夜已經收左檔了, 所以只能在外邊映下相.

呢個 area o既外圍仲有唔少精彩o既海報添!

最後一個景點相信就係一期呢個客戶服務台附近o既牆喇.